Joshua 8:8 - Yn Vible Casherick 1775 1819

⁸ As lurg diuish v’er n’ghoaill yn ard-valley, ver shiu yn ard-valley er aile: cordail rish oardagh yn Chiarn nee shiu. Cur-jee my-ner, ta mee er choyrt sarey diu.

Joshua 8:8 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Joshua 1:16

As dreggyr ad Joshua, gra, Ooilley ny t’ou dy harey dooin nee mayd jannoo, as raad erbee ver oo shin nee mayd goll.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 6:24

As ren ad yn ard-valley y lostey lesh aile, as ooilley ny v’ayn: ynrycan yn argid, as yn airh, as ny siyn prash as yiarn, hug ad lhieu gys stoyr thie’n Chiarn.

Joshua 8:13

Nish tra v’ad er hoiaghey yn pobble, eer yn slane sheshaght-caggee v’er cheu-twoaie yn ard-valley, as ny cooyl-chleaderyn er cheu-heear yn ard-valley, hie Joshua yn oie shen gys mean y choan.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:22

As yn vooinjer elley, v’er n’ghoaill yn ard-valley, vrish ad magh nyn ’oï; myr shen dy row ad ayns mean Israel, paart dagh cheu jeu; as woaill ad ad, myr shen nagh daag ad fer er-mayrn dy scapail.

Joshua 8:28

As ren Joshua Ai y lostey, as ve ny charnane son dy bragh, dy jarroo ny hraartys gys y laa jiu.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

Joshua 8:9

Hug Joshua er-y-fa shen magh ad; as hie ad dy lhie cooyl-chlea, as ghow ad grunt eddyr Beth-el as Ai, sheear voish Ai; agh duirree Joshua yn oie shen mastey n pobble.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?