Joshua 8:33 - Yn Vible Casherick 1775 1819

³³ As ren ooilley Israel, as nyn shanstyr, as fir-oik, as nyn mriwnyn, shassoo er dagh cheu jeh’n arg, kiongoyrt rish ny saggyrtyn ny Leviteyn, va gymmyrkey arg conaant y Chiarn, chammah yn joarree as eshyn va ruggit ny mast’ oc; yn derrey lieh jeu jeeragh er cronk Gerizim, as y lieh elley jeeragh er cronk Ebal; myr va Moses sharvaant y Chiarn roïe er chur sarey, dy vannaghey pobble Israel

Joshua 8:33 ပူးပေါင်းရင်းမြစ်များ

Exodus 12:49

Yn un leigh vees ny chour-syn ta ruggit ny mast’ eu, as da’n joarree ta beaghey mêriu.

Leviticus 24:22

Yn un leigh vees eu, chammah son y joarree, as son fer jeh’n cheer eu hene: son mish y Chiarn y Jee eu.

Earrooyn 15:15

Bee’n un oardagh er ny son euish jeh’n cheshaght, as myrgeddin er y hon-syn ta er e yoarreeaght mêriu, son oardagh kinjagh ayns ny sheelogheyn eu: myr ta shiuish, myr shen vees y joarree, fenish y Chiarn.

Earrooyn 15:16

Bee un leigh, as un oardagh diuish, as dasyn t’er e yoarreeaght mêriu.

Earrooyn 15:29

Bee’n un leigh eu dasyn ta jannoo peccah trooid mee-hushtey, chammah dasyn ta ruggit mastey cloan Israel, as da’n joarree ta cummal ny-vud eu.

Noo Ean 4:20

Ren ny ayraghyn ain ooashlaghey Jee er y clieau shoh; as ta shiuish gra, dy nee ayns Jerusalem ta’n boayl raad lhisagh sleih ooashlaghey.

Deuteronomy 11:29

As shoh myr vees eh, erreish da’n Chiarn dty Yee v’er choyrt lesh stiagh oo gys y cheer ta kiarit son dty eiraght, dy der oo yn bannaght er cronk Gerizim, as yn mollaght er cronk Ebal.

Deuteronomy 31:12

Chaggil yn pobble cooidjagh, deiney, as mraane, as cloan, as y joarree t’er cheu-sthie jeh dty yiattyn, dy vod ad clashtyn, as dy vod ad gynsaghey, as aggle ghoaill roish y Chiarn nyn Yee, as ve tastagh dy yannoo ooilley goan y leigh shoh:

Deuteronomy 31:25

Dy dug Moses sarey da ny Leviteyn, orroo va currym arg conaant y Chiarn, gra,

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.

Joshua 23:2

As ren Joshua sumney ooilley Israel, as nyn shanstyr, as ny ard-gheiney, as ny briwnyn, as ny fir-oik, dy heet kionfenish, as dooyrt eh roo, Ta mee shenn as er roie ayns eash:

Joshua 24:1

As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Joshua 3:14

As haink eh gy-kione, tra va’n pobble er scughey veih ny cabbaneyn oc, dy gholl harrish Jordan, as ny saggyrtyn gymmyrkey arg y chonaant roish y pobble;

Joshua 3:3

As hug ad currym er y pobble, gra, Cha leah as nee shiu fakin arg conaant yn Chiarn y Jee eu, as ny saggyrtyn ny Leviteyn gymmyrkey eh, eisht nee shiuish troggal, as goll geiyrt er.

Joshua 3:6

As loayr Joshua rish ny saggyrtyn, gra, Trog-jee seose arg y chonaant, as gow-jee shiuish harrish roish y pobble. As hrog ad arg y chonaant, as jimmee ad roish y pobble.

Joshua 4:10

Son ren ny saggyrtyn dymmyrk yn arg shassoo ayns mean Yordan, derrey va dy chooilley nhee er ny chooilleeney va’n Chiarn er phointeil da Joshua dy ghra rish y pobble, cordail rish ooilley ny va Moses er churmal Joshua: as ren y pobble siyr, as hie ad harrish.

Joshua 4:18

As haink eh gy-kione, tra va ny saggyrtyn va gymmyrkey arg conaant y Chiarn er jeet seose ass mean Yordan, as (dy goan) va boyn-coshey ny saggyrtyn er roshtyn gys y thalloo chirrym, dy ren ushtaghyn Yordan chyndaa gys nyn ynnyd hene, as gatt harrish ooilley e vrooinyn, myr v’ad roïe.

Joshua 6:6

As deïe Joshua mac Nun er ny saggyrtyn, as dooyrt eh roo, Trog-jee seose arg y chonaant, as lhig da shiaght saggyrtyn cur lhieu shiaght cayrnyn dy eairkyn rea roish arg y Chiarn.