Joshua 8:28 - Yn Vible Casherick 1775 1819

²⁸ As ren Joshua Ai y lostey, as ve ny charnane son dy bragh, dy jarroo ny hraartys gys y laa jiu.

Joshua 8:28 ပူးပေါင်းရင်းမြစ်များ

2 Reeaghyn 19:25

Nagh vel oo er chlashtyn foddey er-dy-henney, kys ta mee er n’yannoo eh, as er-dyn chenn earishyn dy vel mee er oardrail eh? nish ta mee er hoilshaghey dy nee mish hug pooar dhyt dy yannoo ard-valjyn fencit nyn dholtanyn brisht.

Isaiah 17:1

Errey Ghamascus. Cur-my-ner, ta Damascus goit ersooyl veih ve ny ard-valley; bee eh ny charnane dy holtanyn.

Isaiah 25:2

Son t’ou er n’yannoo ard-valley ny charnane; ard-valley lajer voallit ny holtanyn: cummal aalin pobble joarree nagh bee eh ny-sodjey ard-valley; cha bee eh dy bragh troggit arragh.

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

Jeremiah 50:26

Tar-jee noi eck veih ny ardjyn sodjey magh, brish-jee foshlit ny thieyn-tashtee eck; stamp-jee sheese ee myr creaghyn, stroie-jee dy bollagh ee; ny lhig floag j’ee ve faagit.

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Deuteronomy 13:16

As nee oo chaglym ooilley yn spooilley echey ayns mean e traid, as loshtee oo yn ard-valley lesh aile, as ooilley’n spooilley echey dy slane bollagh, gys ooashley yn Chiarn dty Yee: as bee eh ny holtan son dy bragh, cha bee eh troggit arragh.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Joshua 4:9

As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.

Joshua 8:29

As ree Ai ren ad y chroghey er billey derrey’n astyr: as ec lhie ny greiney, doardee Joshua yn corp dy ve goit neose jeh’n villey, as dy hilgey eh rish giat yn ard-valley, as dy hroggal harrish cayrn mooar cloaie, ta er-mayrn gys y laa jiu.