Joshua 8:21 - Yn Vible Casherick 1775 1819

²¹ As tra honnick Joshua, as ooilley Israel, dy row ny deiney va nyn lhie cooyl-chlea er ghoaill yn ard-valley, as dy row jaagh yn ard-valley er droggal, dy dug ad eddin reesht, as varr ad deiney Ai.

Joshua 8:21 ပူးပေါင်းရင်းမြစ်များ

2 Samuel 10:9

Tra honnick Joab dy row’n caggey n’oï roish as ny yeï, ghow eh ooilley reih deiney Israel, as hug eh ad ayns order-caggee noi ny Syrianee.

Joshua 10:1

Nish haink eh gy-kione, tra cheayll Adoni-zedeck ree Yerusalem dy row Joshua er ghoaill Ai, as er stroie eh dy bollagh; as dy row eh er n’yannoo rish Ai as e ree myr ren eh rish Jericho, as e ree; as dy row cummaltee Ghibeon er n’yannoo shee rish Israel, as baghey ny mast’ oc;

Joshua 8:20

As tra yeeagh deiney Ai nyn yeï, honnick ad, as cur-my-ner, hie jaagh yn ard-valley seose ’syn aer, as hie nyn dappey voue dy chosney roue, yn derrey raad ny’n raad elley: as ren ny deiney va er roie myr-yien er-chea gys yn aasagh chyndaa back dy choyrt eddin da nyn eiyrtyssee.

Joshua 8:22

As yn vooinjer elley, v’er n’ghoaill yn ard-valley, vrish ad magh nyn ’oï; myr shen dy row ad ayns mean Israel, paart dagh cheu jeu; as woaill ad ad, myr shen nagh daag ad fer er-mayrn dy scapail.