Joshua 8:20 - Yn Vible Casherick 1775 1819

²⁰ As tra yeeagh deiney Ai nyn yeï, honnick ad, as cur-my-ner, hie jaagh yn ard-valley seose ’syn aer, as hie nyn dappey voue dy chosney roue, yn derrey raad ny’n raad elley: as ren ny deiney va er roie myr-yien er-chea gys yn aasagh chyndaa back dy choyrt eddin da nyn eiyrtyssee.

Joshua 8:20 ပူးပေါင်းရင်းမြစ်များ

Genesis 19:28

As yeeagh eh lesh Sodom as Gomorrah, as lesh ooilley yn cheer rea, as honnick eh, as cur-my-ner, hrog jaagh ny cheerey seose, myr jaagh coirrey.

Lioar Yob 11:20

Agh nee sooillyn y vee-chrauee failleil, as cha jean ad scapail, as bee nyn dreishteil myr yn ennal baaish.

Psalmyn 76:5

Ta’n vooinjer voyrnagh er nyn roostey, t’ad er ghoaill nyn gadley baaish: as ooilley ny deiney va ny laueyn oc niartal, cha vel ad er gheddyn monney.

Isaiah 34:10

Cha bee eh er ny vooghey oie ny laa, as hed y jaagh eck seose son dy bragh: veih sheeloghe gys sheeloghe bee eh ny hraartys; cha jed unnane erbee ny hrooid eck son dy bragh as dy bragh.

Joshua 8:19

As hrog ny deiney va nyn lhie cooyl-chlea dy tappee orroo ass nyn follaghyn, as roie ad cha leah as v’eh er heeyney magh e laue, as hie ad stiagh ’syn ard-valley, as ghow ad eh, as ren ad siyr, as hug ad yn ard-valley er aile.

Joshua 8:21

As tra honnick Joshua, as ooilley Israel, dy row ny deiney va nyn lhie cooyl-chlea er ghoaill yn ard-valley, as dy row jaagh yn ard-valley er droggal, dy dug ad eddin reesht, as varr ad deiney Ai.

Ashlish 18:9

As nee reeaghyn y theihll ta er n’yannoo maarderys, as er vaghey dy rouanagh mâree, keayney, as dobberan er e son, tra hee ad jaagh y lostey eck.

Ashlish 19:3

As dooyrt ad reesht, Alleluia, as hrog yn jaagh eck seose son dy bragh as dy bragh.

Briwnyn 20:38

Nish va cowrey pointit eddyr deiney Israel as y vooinjer va dy lhie fo-chlea, dy jinnagh ad aile mooar lesh jaagh dy hroggal ass yn ard-valley.

Briwnyn 20:40

Agh tra ren yn aile toshiaght dy hroggal seose ass yn ard-valley lesh bodjal dy yaagh, yeeagh ny Benjamiteyn nyn gooyl, as cur-my-ner, ren lossey yn ard-valley troggal seose dy ard ’syn aer.

Briwnyn 20:41

As tra hyndaa deiney Israel dy chur eddin daue, va deiney Venjamin atchimagh; son honnick ad dy row’n olk er jeet orroo.