Joshua 8:18 - Yn Vible Casherick 1775 1819

¹⁸ As dooyrt y Chiarn rish Joshua, Sheeyn magh yn shleiy t’ayns dty laue lesh Ai; son livrey-ym eh gys dty laue. As ren Joshua yn shleiy v’echey ’sy laue y heeyney magh lesh yn ard-valley.

Joshua 8:18 ပူးပေါင်းရင်းမြစ်များ

Lioar Yob 15:25

Son t’eh sheeyney magh e laue noi Jee, as niartaghey eh-hene noi’n Ooilley-niartal.

Lioar Yob 39:23

Ta’n bolg-side feiyral n’oï, yn shleiy sollys as yn eilley-caggee.

Exodus 14:16

Agh trog uss seose dty lorg, as sheeyn magh dty laue er yn aarkey, as bee eh er ny rheynn, as hed cloan Israel er thalloo chirrym trooid mean yn aarkey.

Exodus 8:1

As loayr y Chiarn rish Moses, Immee gys Pharaoh, as abbyr rish, Myr shoh ta’n Chiarn gra, Lhig y raad da my phobble, dy vod ad mish y hirveish.

Exodus 8:5

As dooyrt y Chiarn rish Moses, Abbyr rish Aaron, Sheeyn magh dty laue lesh dty lorg harrish ny strooanyn, harrish ny hawinyn, as harrish ny loghanyn, as cur er ny froggyn dy heet seose er thalloo Egypt.

Ezekiel 30:25

Agh niartee-yms roihaghyn ree Vabylon, as bee roihaghyn Pharaoh er ny lhaggaghey; as bee fys oc, dy nee mish y Chiarn, tra ver-yms my chliwe ayns laue ree Vabylon, as nee eshyn sheeyney magh eh er cheer Egypt.

Joshua 8:17

As cha row dooinney faagit ayns Ai ny Beth-el nagh jagh magh er-eiyrt’s Israel: as daag ad yn ard-valley foshlit, as hie ad er-eiyrt’s Israel.

Joshua 8:19

As hrog ny deiney va nyn lhie cooyl-chlea dy tappee orroo ass nyn follaghyn, as roie ad cha leah as v’eh er heeyney magh e laue, as hie ad stiagh ’syn ard-valley, as ghow ad eh, as ren ad siyr, as hug ad yn ard-valley er aile.

Joshua 8:26

Son cha ren Joshua tayrn back e laue, lesh v’eh er heeyney magh yn shleiy, derrey v’eh dy bollagh er stroie ooilley cummaltee Ai.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

1 Samuel 17:41

As haink y Philistine er e hoshiaght, as hayrn eh er-gerrey gys David, as yn armyder gymmyrkey’n scape, goll roish.

1 Samuel 17:45

Eisht dooyrt David rish y Philistine, T’ou uss cheet m’oï lesh cliwe, as lesh shleiy, as lesh scape; agh ta mish cheet dt’oï’s ayns ennym y Chiarn dy phooaraghyn niau, Jee armeeyn Israel, t’ou uss er choyrt nyn-lane foue.

1 Samuel 17:6

As va boadrymyn prashey er e lurgaghyn, as plaityn prashey eddyr e gheayltyn.