Joshua 8:12 - Yn Vible Casherick 1775 1819

¹² As ghow eh mysh queig thousane dooinney, as hug eh ad dy lhie cooyl-chlea eddyr Beth-el as Ai, cheu-heear yn ard-valley.

Joshua 8:12 ပူးပေါင်းရင်းမြစ်များ

Genesis 12:8

As scugh eh veih shen gys slieau shiar jeh Beth-el, as hoie eh e chabbane, lesh Beth-el er y sheear, as Hai er y shiar, as ayns shen hrog eh altar gys y Chiarn, as ren eh geamagh er ennym y Chiarn.

Genesis 28:19

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.

Joshua 8:11

As hie ooilley ny deiney-caggee va mârish seose, as hayrn ad er-gerrey, as haink ad kiongoyrt rish yn ard-valley, as hass ad ayns order-caggee cheu-twoaie dy Ai: nish va coan eddyr adsyn as Ai.

Joshua 8:13

Nish tra v’ad er hoiaghey yn pobble, eer yn slane sheshaght-caggee v’er cheu-twoaie yn ard-valley, as ny cooyl-chleaderyn er cheu-heear yn ard-valley, hie Joshua yn oie shen gys mean y choan.

Briwnyn 1:22

As hie cloan Yoseph myrgeddin seose noi Beth-el: as va’n Chiarn mâroo.

1 Samuel 15:5

As haink Saul gys ard-valley Amalek, as lhie eh fo-chlea ’sy choan.