Joshua 8:1 - Yn Vible Casherick 1775 1819

¹ As dooyrt y Chiarn rish Joshua, Ny bee aggle ort, chamoo lhig sheese dty chree: gow mayrt ooilley ny deiney caggee, as trog ort, immee seose noi Ai: jeeagh, ta mee er livrey gys dty laue ree Ai, as e phobble, as e ard-valley, as e heer.

Joshua 8:1 ပူးပေါင်းရင်းမြစ်များ

Psalmyn 27:1

Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Psalmyn 46:11

Ta’n Jee dy heshaght-chaggee flaunys mârin: she Jee Yacob nyn gemmyrk.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Jeremiah 46:27

Agh ny bee aggle ort’s, O my harvaant Jacob, as ny lhig dty chree voïd, O Israel: son cur-my-ner, nee’m oo y haglym veih ardjyn foddey jeh, as dty luight veih cheer nyn gappeeys; as nee Jacob chyndaa, as bee eh ec aash as ec fea, as cha der noid erbee aggle er.

Jeremiah 49:3

Trog yllaghey treih, O Heshbon; son ta Ai currit naardey: yllee-jee, inneenyn Rabbah; cur-jee erriu aanrit-sack; jean-jee dobberan, as roie-jee noon as noal rish ny cleiyee: son hed nyn ree gys cappeeys, as e haggyrtyn as e phrinceyn cooidjagh.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Noo Mian 8:26

As dooyrt eh roo, Cre’n-fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo harey, as va kiuney vooar ayn.

Deuteronomy 1:21

Cur-my-ner, ta’n Chiarn dty Yee er choyrt y cheer kiongoyrt rhyt; immee seose, as gow eh, myr ta’n Chiarn Jee dty ayraghyn er ghra rhyt: ny bee aggle ort, chamoo lhig dty chree voïd.

Deuteronomy 31:8

As y Chiarn hene ta dty leeideilagh, bee eh mayrt, cha vaill eh, ny cha treig eh oo: ny bee aggle ort, as ny lhig dty chree voïd.

Deuteronomy 7:18

Ny bee aggle ort roue: agh cooinee dy mie, cre ren y Chiarn dty Yee rish Pharaoh, as rish ooilley Egypt;

Deuteronomy 7:21

Cha bee aggle ort roue: son ta’n Chiarn dty Yee ny mast’ eu, ny Yee pooaral, as atchimagh.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 10:7

Er shoh hie Joshua seose veih Gilgal, eh-hene as ooilley y slane sheshaght-caggee mârish, as ooilley ny ard-gheiney niartal.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Joshua 2:24

As dooyrt ad rish Joshua, Dy feer ta’n Chiarn er livrey ooilley yn cheer gys ny laueyn ain; son ta eer ooilley cummaltee ny cheerey coayl nyn gree ayns aggle roïn.

Joshua 6:2

As dooyrt y Chiarn rish Joshua, Jeeagh, ta mee er livrey Jericho gys dty laue, as e ree, as ny deiney caggee niartal t’ayn.

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?