Joshua 7:6 - Yn Vible Casherick 1775 1819

⁶ As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.

Joshua 7:6 ပူးပေါင်းရင်းမြစ်များ

Genesis 37:29

As hyndaa Reuben reesht gys yn ooig; as cur-my-ner, cha row Joseph ayns yn ooig; as raip eh e choamraghyn.

Genesis 37:34

As raip Jacob e choamraghyn, as hug eh aanrit-sack er e veeghyn, as ren eh dobberan son e vac ymmodee laghyn.

2 Samuel 1:11

Eisht ghow David greme er e choamraghyn, as raip eh ad; as myrgeddin ren ooilley ny deiney va mârish.

2 Samuel 1:12

As ren ad dobberan as keayney, as hrosht ad derrey’n astyr, son Saul as son Jonathan e vac, as son pobble y Chiarn, as son thie Israel; er-yn-oyr dy row ad er duittym lesh y chliwe.

2 Samuel 1:2

Haink eh eer gy-kione er yn trass laa, dy daink dooinney veih camp Saul, lesh e choamrey raipit, as ooir er e chione: as tra haink eh fenish Ghavid, dy chroym eh gys y thalloo, as ren eh biallys.

2 Samuel 12:16

Ren David er-y-fa shen guee gys y Chiarn son y lhiannoo; as ren David trostey, as hie eh stiagh as lhie eh fud-ny-hoie er y thalloo.

2 Samuel 13:19

As hug Tamar leoie er e kione, as raip ee e coamrey dy chaghlaaghyn daah v’urree, as hug ee e laue er e kione, as hie ee er e toshiaght keayney.

2 Samuel 13:31

Eisht dirree’n ree, as raip eh e choamraghyn, as lhie eh er y thalloo; as hass ooilley e harvaantyn liorish lesh nyn goamraghyn raipit.

2 Reeaghyn 22:11

As haink eh gy-kione, tra va’n ree er chlashtyn goan lioar y leigh, dy raip eh e choamraghyn.

2 Recortyssyn 34:19

As haink eh gy-kione, tra cheayll y ree goan y leigh, dy raip eh e choamraghyn.

Ezra 10:1

Nish, lurg da Ezra v’er ghoaill padjer, as er ghoaill rish yn peccah shoh, dobberan, as lhie er y thalloo, kiongoyrt rish thie Yee, haggil huggey ass Israel sheshaght feer vooar dy gheiney, as mraane, as cloan: son ren y pobble keayney dy sharroo.

Nehemiah 9:1

Nish er y chiarroo laa as feed jeh’n vee shoh, va cloan Israel er nyn jaglym, lesh trostey, as aanrit-sack, as lesh ooir er nyn ghing.

Esther 4:1

Tra cheayll Mordecai kys myr ve kiarit, raip Mordecai e choamrey: as hug eh er aanrit-sack lesh leoie, as hie eh magh gys mean yn ard-valley, as cheayn eh lesh coraa ard as sharroo.

Esther 4:3

As ayns dy chooilley heer, raad erbee dy daink oardagh y ree, va dobberan trome mastey ny Hewnyn, as trostey, as keayney, as yllaghey, as lhie ymmodee ayns aanrit-sack as leoie.

Lioar Yob 1:20

Er shoh dirree Job, as raip eh e choamrey, as ren eh e chione y vaarey, as huitt eh sheese er y thalloo, as hug eh ooashley,

Lioar Yob 2:12

As tra hrog ad seose nyn sooillyn foddey jeh, as s’coan dy dug ad enney er, hrog ad seose nyn goraa as cheayn ad; as raip ad dagh fer e choamrey, as spreih ad joan seose ’syn aer er nyn ghing.

Lioar Yob 42:6

Shen-y-fa ta dwoaie aym orrym pene, as ta mee goaill arrys ayns joan as leoie.

Dobberan 2:10

Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Earrooyn 14:6

As ren Joshua mac Nun, as Caleb mac Jephunneh, va jeusyn ren ronsaghey’n cheer, raipey nyn eaddagh.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 16:45

Scarr-jee shiu hene veih’n cheshaght shoh, dy jean-ym ad y stroie myr ayns tullogh: as huitt ad er nyn eddin.

Jannoo 14:14

Agh tra cheayll ny ostyllyn Barnabas as Paul jeh, raip ad nyn eaddagh, as roie ad stiagh mastey yn pobble, geamagh,

Joshua 7:7

As dooyrt Joshua, Ah treih! O Hiarn Yee, cre’n-fa t’ou er choyrt lhiat yn pobble shoh harrish Jordan, dy livrey shin gys laue ny Amoriteyn, dy stroie shin? Dy baillish Jee dy beagh shin er ve booiagh raad va shin, as er chummal er cheu elley dy Yordan.

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard-valley mooar shen, aynjee va jeant berchagh dy chooilley unnane va lhongyn oc er yn aarkey, liorish yn aght-baghee costyllagh eck! son ayns un oor t’ee er ny yannoo follym-faase.

Briwnyn 11:35

As haink eh gy-kione tra honnick eh ee, dy raip eh e eaddagh, as dooyrt eh, Aless, my inneen! t’ou er my injillaghey dy treih, as er hayrn seaghyn trome orrym: son ta mee er vosley my veeal ayns breearrey gys y Chiarn, as cha voddym goll n’oï.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:26

Eisht hie ooilley cloan Israel seose, as haink ad gys thie Yee, as hoie ad ayns shen dobberan kiongoyrt rish y Chiarn, as hrosht ad yn laa shen derrey’n astyr, as heb ad ourallyn-losht as ourallyn-shee kiongoyrt rish y Chiarn.

Briwnyn 21:2

As haink y pobble gys thie Yee, as duirree ad ayns shen gys yn astyr fenish Yee, as hrog ad seose nyn goraa, as cheayn ad dy sharroo;

1 Samuel 4:12

As roie dooinney dy Venjamin veih’n chaggey, as haink eh gys Shiloh er y laa cheddin, lesh e choamraghyn raipit, as ooir er e chione.