Joshua 6:4 - Yn Vible Casherick 1775 1819

⁴ As nee shiaght saggyrtyn cur lhieu roish yn arg shiaght cayrnyn dy eairkyn rea: as er y chiaghtoo laa nee shiu yn ard-valley y chombaasal shiaght keayrtyn, as nee ny saggyrtyn ny cayrnyn y heidey.

Joshua 6:4 ပူးပေါင်းရင်းမြစ်များ

Genesis 2:3

As vannee Jee yn chiaghtoo laa, as ren eh eh y chasherickey, er-y-fa dy nee er (y laa shen) v’eh er scuirr veih ooilley e obbyr va Jee er chroo, as er n’yannoo.

1 Reeaghyn 18:43

As dooyrt eh rish e harvaant, Immee seose nish, jeeagh lesh yn aarkey. As hie eh seose, as yeeagh eh, as dooyrt eh, Cha vel monney ry-akin. As dooyrt eh, Immee reesht shiaght keayrtyn.

2 Reeaghyn 5:10

As hug Elisha chaghter huggey, gra, Gow as niee ayns Jordan shiaght keayrtyn, myr shen hig dt’eill dy ve myr ve roïe, as bee oo glen.

2 Reeaghyn 5:14

Eisht hie eh sheese, as ren eh thummey eh-hene shiaght keayrtyn ayns Jordan, cordail rish raa’n dooinney dy Yee: as haink yn eill echey dy ve reesht myr feill lhiannoo aeg, as v’eh glen.

2 Recortyssyn 13:12

As cur-my-ner, ta Jee hene mârin son nyn leeideilagh, as e haggyrtyn lesh trumpetyn feiyral, dy hroggal larm nyn ’oï eu: O chloan Israel, ny jean-jee caggey noi’n Chiarn Jee nyn ayraghyn, son cha jig eh lhieu.

2 Recortyssyn 20:17

Cha bee feme eu builley ’choyrt ’sy chaggey shoh; jean-jee farkiagh, shass-jee raad ta shiu, as cur-jee my-ner saualtys y Chiarn mêriu, O Yudah as Yerusalem, ny bee aggle ny atchim erriu: mairagh gow-jee magh nyn ’oï, son bee’n Chiarn mêriu.

2 Recortyssyn 20:19

As ren ny Leviteyn, jeh cloan ny Kohathiteyn, as jeh cloan ny Korhiteyn, shassoo seose dy chur moylley da’n Chiarn, Jee Israel, lesh ard choraa, er yn yrjid.

2 Recortyssyn 20:21

As tra v’eh er ghoaill coyrle y pobble, phoint eh arrane dy choyrt ard-voylley da’n Chiarn ayns aalid e chasherickys, myr v’ad goll magh roish y cheshaght-chaggee, as dy ghra, Moylley-jee’n Chiarn, son ta e vyghin farraghtyn son dy bragh.

Lioar Yob 42:8

Shen-y-fa gow-jee nish hiuish shiaght dew as shiaght reaghyn, as immee-jee gys my harvaant Job, as cheb-jee seose er nyn son hene oural-losht; as nee my harvaant Job padjer y ghoaill er nyn son, son eshyn neem’s soiaghey jeh; er-aggle dy dellym riu rere nyn ommijys, ayns wheesh as nagh vel shiu er loayrt my-mychione’s shen ny ta cairagh, myr ta my harvaant Job.

Isaiah 27:13

As hig eh gy-kione ’sy laa shen, dy bee yn trumpet mooar er ny heidey, as hig adsyn va aarloo dy herraghtyn ayns cheer Assyria, as ny eebyrtee ayns cheer Egypt, as ver ad ooashley da’n Chiarn er y chronk chasherick ec Jerusalem.

Leviticus 14:16

As nee’n saggyrt thummey corrag e laue yesh ayns yn ooil t’ayns e laue chiare, as spreih yn ooil lesh e vair, shiaght keayrtyn fenish y Chiarn.

Leviticus 4:6

As nee’n saggyrt cur e vair ayns yn uill, as spreih jeh’n uill shiaght keayrtyn fenish y Chiarn, kiongoyrt rish coodagh yn ynnyd casherick.

Zechariah 4:2

As dooyrt eh rhym, Cre t’ou fakin? As dooyrt mee, Ta mee er yeeaghyn, as cur-my-ner cainlere slane airhey, as claare er e vullagh, as ny shiaght lampyn echey er, as shiaght lhiggaghyn gys ny shiaght lampyn va er e vullagh:

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Earrooyn 23:1

AS dooyrt Balaam rish Balak, Trog dou ayns shoh shiaght altaryn, as fow aarloo dou ayns shoh shiaght dew, as shiaght reaghyn.

Joshua 6:13

As ren shiaght saggyrtyn, lesh shiaght cayrnyn dy eairkyn rea, goll er nyn doshiaght dy kinjagh, roish arg y Chiarn, as sheidey ny cayrnyn: as ren ny deiney caggee marchal roue; agh haink y gard er nyn gooyl, lurg arg y Chiarn, ny saggyrtyn goll er nyn doshiaght, as sheidey ny cayrnyn.

Joshua 6:3

As nee shiu combaasal yn ard-valley, ooilley ny deiney caggee ta shiu ayn, as goll un cheayrt mygeayrt y valley: myr shoh nee oo jannoo shey laa ry-cheilley.

Joshua 6:5

As hig eh gy-kione, tra vees ad er heidey dy lajer son tammylt mie lesh ny cayrnyn, as tra chlinnys shiu feiyr y chayrn, nee ooilley yn pobble gyllagh lesh coraa ard; as nee voalley yn ard-valley tuittym sheese kiart, as nee yn pobble goll seose, dy chooilley ghooinney jeeragh roish.

Ashlish 1:20

Folliaght ny shiaght rollageyn honnick oo ayns my laue yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn; as ny shiaght cainleyryn honnick oo, t’ad ny shiaght kialteenyn.

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn ta, as va, as ta ry-heet: as veih ny shiaght spyrrydyn ta kiongoyrt rish e stoyl-reeoil.

Ashlish 10:3

As deïe eh lesh ard-choraa, myr ta lion buirroogh: as tra v’eh er n’yllagh, ren shiaght taarnaghyn fockley-magh nyn goraaghyn.

Ashlish 15:1

As honnick mee cowrey elley ayns niau, mooar as mirrilagh, shiaght ainleyn as ny shiaght briwnyssyn s’jerree oc, son ayndoosyn t’er ny lhieeney seose jymmoose Yee.

Ashlish 15:7

As hug unnane jeh ny kiare cretooryn da ny shiaght ainleyn, shiaght siyn airhey lane jeh jymmoose Yee, ta bio son dy bragh as dy bragh.

Ashlish 16:1

As cheayll mee coraa ard ass y chiamble, gra rish ny shiaght ainleyn, Immee-jee as deayrt-jee magh ny siyn dy yymmoose Yee er y thalloo.

Ashlish 5:1

As honnick mee ayns y laue yesh echeysyn va soie er y stoyl-reeoil, lioar scruit er y cheu-sthie as er-y-chooyl, sealit lesh shiaght sealyn.

Ashlish 5:6

As yeeagh mee, as cur-my-ner, kiongoyrt rish y stoyl-reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.

Ashlish 8:2

As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.

Ashlish 8:6

As ren ny shiaght ainleyn, oc va ny shiaght cayrnyn, kiartaghey ad-hene dy heidey.