Joshua 6:27 - Yn Vible Casherick 1775 1819

²⁷ Myr shoh va’n Chiarn marish Joshua; as hie goo jeh magh trooid ooilley yn cheer.

Joshua 6:27 ပူးပေါင်းရင်းမြစ်များ

Genesis 39:21

Agh va’n Chiarn marish Joseph, as hoilshee eh myghin da, as hug eh da foayr ayns shilley arreyder y phryssoon.

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

1 Recortyssyn 14:17

As hie goo jeh David magh gys dy chooilley heer; as chur y Chiarn er dy chooilley ashoon dy ve ayns aggle roishyn.

Esther 9:4

Son va Mordecai pooaral ayns thie yn ree, as hie goo jeh magh trooid ooilley ny cheeraghyn: son daase y dooinney shoh Mordecai ny smoo as ny smoo.

Noo Mian 14:1

Ec y traa shen cheayll Herod yn Tetrarch jeh goo Yeesey,

Noo Mian 18:20

Son raad ta ghaa ny three er nyn jaglym cooidjagh ayns m’ennym’s, shen y raad ta mish nyn mastey.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh-spyrrydyn, sleih ass nyn geeayl, as an-lheiltee, as ren eh ad y lheihys.

2 Corinthianee 13:14

Grayse nyn Jiarn Yeesey Creest, as graih Yee, as sheshaght y Spyrryd Noo, dy row mêriu ooilley. Amen.

Deuteronomy 31:6

Bee-jee dunnal as creeoil, ny gow-jee aggle roue: son y Chiarn dty Yee, eshyn ta goll mayrt, cha vaill eh, ny cha treig eh oo.

2 Timothy 4:17

Ny-yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 9:1

As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

Joshua 9:9

As dooyrt ad rish, Veih cheer feer foddey ta dty harvaantyn er jeet, trooid arrym gys ennym y Chiarn dty Yee: son ta shin er chlashtyn jeh e ghoo mooar, as ooilley ny ren eh ayns Egypt,

Briwnyn 1:19

As va’n Chiarn marish Judah, as deiyr eh magh mooinjer-ny-ard, agh cha voddagh eh geiyrt magh cummaltee’n choan, er-yn-oyr dy row oc fainee yiarn.

1 Samuel 18:14

As ren David gymmyrkey eh-hene dy creeney ayns ooilley e raaidyn: as va’n Chiarn mârish.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.