Joshua 6:21 - Yn Vible Casherick 1775 1819

²¹ As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

Joshua 6:21 ပူးပေါင်းရင်းမြစ်များ

1 Reeaghyn 20:42

As dooyrt eh rish, Shoh myr ta’n Chiarn dy ghra, Er-yn-oyr dy vel oo er lhiggey ass dty laue dooinney ren mee kiarail son slane toyrt-mow, shen-y-fa bee yn vioys ayd’s son y vioys echeysyn, as dty phobble son y pobble echeysyn.

Jeremiah 48:18

Tar neose, O inneen Ghibon veih dty ghloyr, as soie ’sy joan; son hig spooilleyder Voab ort’s, as nee eh stroie dty chashtallyn lajer.

Deuteronomy 13:16

As nee oo chaglym ooilley yn spooilley echey ayns mean e traid, as loshtee oo yn ard-valley lesh aile, as ooilley’n spooilley echey dy slane bollagh, gys ooashley yn Chiarn dty Yee: as bee eh ny holtan son dy bragh, cha bee eh troggit arragh.

Deuteronomy 2:34

As ghow shin ooilley e ard-valjyn ec y traa cheddin, as stroie shin dy bollagh ny deiney, as ny mraane, as cloan veggey dy chooilley ard-valley; cha daag shin veg er-mayrn:

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Joshua 10:28

Ec y traa cheddin ghow Joshua Makkedah, as woaill eh eh lesh foyr y chliwe, as stroie eh dy bollagh yn ree echey, as ooilley ny cummaltee v’ayn; cha daag eh veg er-mayrn: as ren eh rish ree Makkedah myr ren eh rish ree Yericho.

Joshua 10:39

As ghow eh eh, as y ree, as ooilley ny ard-valjyn echey; as woaill eh ad lesh foyr y chliwe, as stroie eh dy bollagh ooilley ny cummaltee v’ayndoo; cha daag eh veg er-mayrn: myr v’eh er n’yannoo rish Hebron, lheid cheddin ren eh rish Debir, as e ree; myr v’eh er n’yannoo rish Libnah, as e ree.

Joshua 11:11

As woaill eh ooilley ny anmeenyn v’ayn lesh foyr y chliwe, stroie ad dy bollagh: cha row veg faagit bio: as losht eh Hazor lesh aile.

Joshua 11:14

As slane spooilley ny ard-valjyn shoh, as y maase, ren cloan Israel y ghoaill son cooid daue hene; agh varr ad dy chooilley ghooinney lesh foyr y chliwe, derrey v’ad er stroie ad, chamoo daag ad veg jeu bio.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:22

As yn vooinjer elley, v’er n’ghoaill yn ard-valley, vrish ad magh nyn ’oï; myr shen dy row ad ayns mean Israel, paart dagh cheu jeu; as woaill ad ad, myr shen nagh daag ad fer er-mayrn dy scapail.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

Ashlish 18:21

As hrog ainle niartal clagh casley rish clagh vooar wyllin, as cheau eh eh ’sy cheayn, gra, Er yn aght shoh lesh niart breeoil vees yn ard-valley mooar shen Babylon er ny hilgey sheese, as cha bee ee arragh ry-gheddyn.

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:8

As ghow eh Agag ree ny Amalekiteyn bio as stroie eh dy bollagh ooilley yn pobble lesh foyr y chliwe.