Joshua 6:20 - Yn Vible Casherick 1775 1819

²⁰ Myr shen dyllee yn pobble myr va ny saggyrtyn sheidey ny cayrnyn: as haink eh gy-kione tra cheayll y pobble feiyr y chayrn, as dy row’n pobble er n’yllagh lesh coraa ard, dy ren y voalley tuittym sheese kiart rish y thalloo, myr shen dy jagh y pobble seose ’syn ard-valley, dy chooilley ghooinney jeeragh roish; as ghow ad yn ard-valley.

Joshua 6:20 ပူးပေါင်းရင်းမြစ်များ

2 Recortyssyn 13:15

Eisht hug deiney Yudah yllagh ard assdoo: as myr va deiney Yudah gyllaghey, haink eh gy-kione, dy ren Jee Jeroboam y woalley as ooilley Israel, roish Abijah as Judah.

Zephaniah 1:16

Laa da’n trumpet as larm-caggee, noi ny ard-valjyn voallit, as noi ny tooryn ard.

Hebrewnee 11:30

Liorish credjue huitt voallaghyn Yericho, lurg daue ve combaasit mygeayrt shiaght laa.

Joshua 6:5

As hig eh gy-kione, tra vees ad er heidey dy lajer son tammylt mie lesh ny cayrnyn, as tra chlinnys shiu feiyr y chayrn, nee ooilley yn pobble gyllagh lesh coraa ard; as nee voalley yn ard-valley tuittym sheese kiart, as nee yn pobble goll seose, dy chooilley ghooinney jeeragh roish.

1 Samuel 4:5

As tra va arg conaant y Chiarn er jeet gys y champ, dyllee ooilley Israel lesh ard choraa, dy ren eer y thalloo craa lesh.