Joshua 6:18 - Yn Vible Casherick 1775 1819

¹⁸ As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.

Joshua 6:18 ပူးပေါင်းရင်းမြစ်များ

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

Ecclesiastes 9:18

Ta creenaght ny share na greïnyn-caggee: agh ta un drogh-yantagh cur naardey saase mie ny ghaa.

Jonah 1:12

As dooyrt eh roo, Trog-jee mee seose, as tilg-jee mee magh ’sy cheayn; myr shen vees y keayn kiune diuish: son ta fys aym dy nee by-chyndagh rhym’s ta’n sterrym mooar shoh er jeet erriu.

Romanee 12:9

Lhig da graih ve fegooish foalsaght. Cur-jee dwoaie da shen ta olk, lhian-jee gys shen ta mie.

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Deuteronomy 23:10

My ta dooinney erbee ny mast’ eu nagh vel glen, kyndagh rish neu-ghlennid ta taghyrt er ’syn oie, eisht hed eh magh ass y champ, cha jig eh er cheu-sthie jeh’n champ.

Deuteronomy 7:26

Chamoo ver oo lhiat red erbee mollaghtagh stiagh ayns dty hie, er-aggle dy bee oo hene ny red mollaghtagh casley rish: agh ver oo veih dty chree feoh da, as dy dwoaiagh scarrey rish, son red custey eh.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 7:13

Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

Joshua 7:15

As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

Joshua 7:25

As dooyrt Joshua, Cre’n-fa t’ou er hayrn seaghyn orrin? nee’n Chiarn uss y heaghney yn laa jiu. As ren ooilley Israel eh y chlaghey lesh claghyn, as ad y lostey lesh aile erreish daue v’er chlaghey ad lesh claghyn.

1 Ean 5:21

Chloan veggey, freill-jee shiu hene veih jallooyn. Amen.

1 Samuel 15:9

Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.