Joshua 6:10 - Yn Vible Casherick 1775 1819

¹⁰ As va Joshua er n’oardaghey yn pobble, gra, Cha jean shiu gyllagh, ny feiyr erbee y yannoo lesh nyn goraa, chamoo hig fockle ass nyn meeal, derrey’n laa jir-yms riu gyllagh; eisht yllee-jee dy ard.

Joshua 6:10 ပူးပေါင်းရင်းမြစ်များ

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Isaiah 42:2

Cha jean eh gyllagh, ny troggal seose e choraa, dy v’er ny chlashtyn ayns ny straïdyn.

Noo Mian 12:19

Cha bee eh streeuagh ny anveagh, chamoo chlinnys fer erbee e choraa ayns ny straidyn.

Noo Luke 24:49

As cur-my-ner, ver-yms hiu gialdyn my Ayrey: agh fuirree-jee ayns ard-valley Yerusalem, derrey vees shiu coamrit lesh pooar veih’n yrjid.

Jannoo 1:7

As dooyrt eh roo, Cha vel eh bentyn diuish dy hoiggal ny earishyn, ny ny imbaghyn, ta’n Ayr er reayll ayns e phooar hene.

Joshua 6:11

Myr shen ren arg y Chiarn combaasal yn ard-valley, goll mygeayrt-y-mysh un cheayrt: as haink ad gys y champ, as ghow ad aaght ’sy champ.

Joshua 6:9

As hie ny deiney eïllit roish ny saggyrtyn va sheidey ny cayrnyn, as haink yn chooid elley jeh’n pobble [myr gard] lurg yn arg, ny saggyrtyn goll er nyn doshiaght, as sheidey ny cayrnyn.