Joshua 5:9 - Yn Vible Casherick 1775 1819

⁹ As dooyrt y Chiarn rish Joshua, Jiu ta mee er scughey ersooyl oltooan Egypt veueish. Shen-y-fa ta’n ynnyd enmyssit Gilgal gys y laa t’ayn jiu.

Joshua 5:9 ပူးပေါင်းရင်းမြစ်များ

Genesis 34:14

As dooyrt ad roo, Cha vod mayd shoh ’yannoo, dy choyrt nyn shuyr da fer chymmyltagh: son veagh shen scammylt dooin.

2 Samuel 19:15

Myr shen hyndaa’n ree, as haink eh gys Jordan. As haink Judah gys Gilgal, dy gholl quail y ree, dy choyrt eh harrish Jordan.

Nehemiah 12:29

Myrgeddin, veih thie Gilgal, as veih magheryn Geba, as Azmaveth: son va ny fir-chiaullee er hroggal daue hene baljyn-cheerey mygeayrt Jerusalem.

Psalmyn 119:39

Gow ersooyl yn kerraghey ta mee goaill aggle roish: son ta dty vriwnyssyn mie.

Jeremiah 9:25

Cur-my-ner, ta ny laghyn cheet, ta’n Chiarn dy ghra, dy jean-yms kerraghey ’ghoaill er ooilley ny gyn-chymmyltee marish ny chymmyltee;

Ezekiel 23:3

As deiyr ad er streebeeys ayns Egypt, hug ad rish maarderys ayns nyn aegid, ayns shen va nyn geeaghyn er ny hionney, as shen y raad va sheeintyn nyn moidynys er nyn mroo.

Ezekiel 23:8

Chamoo daag ee jeh yn vaarderys dynsee ee ayns Egypt: son ayns e aegid lhie ad mâree, as vroo ad keeaghyn e moidynys, as ren ad maarderys cadjin r’ee.

Hosea 4:15

Ga dy vel uss Israel er n’yannoo streebeeys, ny-yeih, ny lhig da Judah ve kyndagh, as ny tar-jee gys Gilgal, chamoo gow-jee seose gys Beth-aven, ny loo-jee, Ta’n Chiarn bio.

Leviticus 24:14

Cur lhiat magh eshyn ren gwee mollaght cheu-mooie jeh’n champ: as lhig dauesyn ooilley, ren clashtyn eh, cur nyn laueyn er e chione, as lhig da ooilley’n cheshaght eshyn y chlaghey.

Amos 5:5

As ny shir-jee gys Beth-el, chamoo gow-jee stiagh ayns Gilgal, as ny immee-jee gys Beer-sheba: son hed Gilgal son shickyrys ayns cappeeys, as hed Beth-el naardey.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Zephaniah 2:8

Ta mish er chlashtyn scammyltyn Voab, as oltooanyn cloan Ammon, lioroo t’ad er oltooaney my phobble, as er voggyssagh ad-hene noi yn ynnyd oc.

Joshua 24:14

Shen-y-fa nish, gow-jee aggle roish y Chiarn, as shirveish-jee eh ayns ynrickys as firrinys: as cur-jee ersooyl ny jeeghyn ren ny ayraghyn eu shirveish er cheu elley jeh’n awin, as ayns Egypt; as shirveish-jee shiuish yn Chiarn.

Joshua 4:19

As haink ooilley yn pobble seose ass Jordan er y jeihoo laa jeh’n chied vee, as hoie ad nyn gamp ayns Gilgal, ayns ardjyn my-hiar Jericho.

Joshua 5:8

As haink eh gy-kione, tra v’ad erreish ooilley yn pobble y yiarey-chymmylt, dy ren ad tannaghtyn ’sy champ derrey v’ad slane.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 7:16

As hie eh dagh bleïn mygeayrt er Beth-el, as Gilgal, as Mizpeh, as ren eh Israel y vriwnys ayns ooilley ny boayllyn shen.