Joshua 5:7 - Yn Vible Casherick 1775 1819

⁷ As y chloan ocsyn, v’eh er hroggal seose ’syn ynnyd oc, adsyn ren Joshua y yiarey-chymmylt: son v’ad gyn giarey-chymmylt: er-yn-oyr nagh row yn cowrey shen er ny choyrt orroo er y raad.

Joshua 5:7 ပူးပေါင်းရင်းမြစ်များ

Genesis 34:14

As dooyrt ad roo, Cha vod mayd shoh ’yannoo, dy choyrt nyn shuyr da fer chymmyltagh: son veagh shen scammylt dooin.

Earrooyn 14:31

Agh y chloan veggey eu, dooyrt shiu veagh son spooilley, adsyn ver-ym lhiam ayn, as yiow ad eiraght ’sy cheer ta shiuish er hoiaghey beg jeh.

Deuteronomy 1:39

Myrgeddin, yn vooinjer veggey eu, dooyrt shiu veagh son spooilley, as nyn gloan, nagh row toiggal oc ’sy laa shen jeh mie as sie, hed adsyn stiagh ayn, dauesyn ver-yms eh, as gowee ad possession jeh.

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.

Joshua 5:8

As haink eh gy-kione, tra v’ad erreish ooilley yn pobble y yiarey-chymmylt, dy ren ad tannaghtyn ’sy champ derrey v’ad slane.