Joshua 5:13 - Yn Vible Casherick 1775 1819

¹³ As haink eh gy-kione, tra va Joshua er-gerrey da Jericho, dy hrog eh seose e hooillyn as yeeagh eh, as cur-my-ner, va dooinney ny hassoo jeeragh roish, as cliwe rooisht ny laue: as hie Joshua huggey, as dooyrt eh rish, Vel uss er y cheu ainyn, ny son nyn noidyn?

Joshua 5:13 ပူးပေါင်းရင်းမြစ်များ

Genesis 18:1

As ren y Chiarn eh hene y hoilshaghey da ayns cheer rea Mamre: as v’eh ny hoie ayns dorrys y chabbane, ayns chiass y laa.

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 28:16

As ghooisht Jacob ass e chadley, as dooyrt eh, Shickyr ta’n Chiarn ayns yn ynnyd shoh, as cha row fys aym er.

Genesis 33:1

As hrog Jacob seose e hooillyn, as yeeagh eh, as cur-my-ner, haink Esau, as mârish kiare cheead dooinney: as rheynn eh yn chloan er Leah as Rachel, as y daa harvaant.

Genesis 33:5

As hrog eh seose e hooillyn, as honnick eh ny mraane as y chloan; as dooyrt eh, Quoi ad shen mayrt? As dooyrt eh, Yn chloan ta Jee dy graysoil er choyrt da dty harvaant.

1 Recortyssyn 12:22

Son ec y traa shen haink ad laa lurg laa gys David dy chooney lesh, derrey ve sheshaght vooar caggee, ymmodee erskyn earroo.

1 Recortyssyn 21:27

As hug y Chiarn yn ainle fo harey; as hug eh seose e chliwe reesht ayns y fine.

1 Recortyssyn 21:30

Agh cha by-loys da David goll kiongoyrt rish dy gheddyn coyrle veih Jee: son va aggle er kyndagh rish cliwe ainle y Chiarn).

Exodus 23:23

Son hed m’ainle’s royd, as ver eh lesh oo stiagh gys cheer ny Amoriteyn, as ny Hittiteyn, as ny Perizziteyn, as ny Chanaaniteyn, as ny Hiviteyn, as ny Jebusiteyn; as nee’m ad y yiarey jeh.

Daniel 10:5

Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Daniel 8:3

Eisht hrog mee seose my hooillyn as yeeagh mee, as cur-my-ner, va nyn shassoo liorish yn awin, rea as daa eairk er, as va’n daa eairk ard: agh va’n derrey yeh ny syrjey na’n jeh elley, as yn eairk b’yrjey s’jerree haink seose.

Zechariah 1:8

Honnick mee ’syn oie, as cur-my-ner, va dooinney markiaght er cabbyl ruy, as hass eh mastey ny biljyn-myrtle va heese ’sy choan, as cheu-chooylloo va cabbil ruy, brack as bane.

Earrooyn 22:23

As honnick yn assyl ainle y Chiarn ny hassoo ayns y raad, as e chliwe lommyrtagh ayns e laue; as hyndaa yn assyl dy lhiattee jeh’n raad, as ghow ee yn magher; as woaill Balaam yn assyl, dy chur ee er y raad.

Earrooyn 22:31

Eisht doshil y Chiarn sooillyn Valaam, as honnick eh ainle y Chiarn ny hassoo ayns y raad, as e chliwe lommyrtagh ayns e laue; as chroym eh sheese e chione, lesh e eddin gys y thalloo.

Jannoo 1:10

As myr v’ad jeeaghyn dy gyere seose ’syn aer, as eh goll seose; cur-my-ner hass daa ghooinney lioroo ayns coamraghyn sollys;

Joshua 6:2

As dooyrt y Chiarn rish Joshua, Jeeagh, ta mee er livrey Jericho gys dty laue, as e ree, as ny deiney caggee niartal t’ayn.

Ashlish 1:13

As ayns mean ny shiaght cainleyryn, fer goll-rish yn Mac dooinney, coamrit lesh garmad sheese gys ny cassyn, as kianlt mysh e chleeau lesh cryss dy airh.

Briwnyn 13:11

As hrog Manoah er, as deiyr eh er e ven, as haink eh gys y dooinney, as dooyrt eh rish, Nee uss y dooinney ren loayrt rish y ven? As dooyrt eh, Mish eh.

Briwnyn 13:22

As dooyrt Manoah rish y ven, Yiow mayd dy shickyr baase, son dy vel shin er vakin Jee.