Joshua 5:12 - Yn Vible Casherick 1775 1819

¹² As va’n manna ec kione er laa-ny-vairagh erreish daue v’er n’ee jeh shenn arroo yn cheer; chamoo va manna arragh ec cloan Israel veih’n traa shen; agh ren ad gee jeh mess thalloo Chanaan yn vleïn shen.

Joshua 5:12 ပူးပေါင်းရင်းမြစ်များ

Exodus 16:35

As d’ee cloan Israel manna rish da-eed bleïn, derrey haink ad gys cheer va cummaltee ayn; d’ee ad manna, derrey haink ad gys slystyn cheer Chanaan.

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Earrooyn 15:19

Shen myr vees eh, tra ee-ys shiu arran y chied-vess jeh’n cheer, dy jean shiu chebbal oural-troggit-seose gys y Chiarn.

Noo Ean 4:38

Hug mish shiu magh dy vuinn cooid nagh ren shiu y laboragh: ta deiney elley er laboragh, as ta shiuish er gholl stiagh er y laboraght oc.

Joshua 5:11

As ren ad gee jeh shenn arroo yn cheer er laa-ny-vairagh lurg y chaisht, berreenyn gyn soorit as arroo greddanit ’syn eer laa cheddin.