Joshua 5:11 - Yn Vible Casherick 1775 1819

¹¹ As ren ad gee jeh shenn arroo yn cheer er laa-ny-vairagh lurg y chaisht, berreenyn gyn soorit as arroo greddanit ’syn eer laa cheddin.

Joshua 5:11 ပူးပေါင်းရင်းမြစ်များ

Leviticus 23:14

As cha jean shiu gee arran, ny arroo greddanit, ny jeeassyn glassey, derrey’n laa ta shiu er chur lhieu oural gys y Jee eu: bee shen slattys kinjagh trooid nyn sheelogheyn, ayns ooilley nyn gummallyn.

Leviticus 23:6

As er y wheiggoo laa yeig jeh’n vee cheddin, ta feailley yn arran gyn soorit gys y Chiarn: shiaght laghyn nee shiu gee arran gyn soorit.

Earrooyn 15:19

Shen myr vees eh, tra ee-ys shiu arran y chied-vess jeh’n cheer, dy jean shiu chebbal oural-troggit-seose gys y Chiarn.

Joshua 5:10

As ren cloan Israel campal ayns Gilgal, as dreill ad y chaisht er y chiarroo laa yeig jeh’n vee, ’syn astyr, ayns cheer-rea Yericho.

Joshua 5:12

As va’n manna ec kione er laa-ny-vairagh erreish daue v’er n’ee jeh shenn arroo yn cheer; chamoo va manna arragh ec cloan Israel veih’n traa shen; agh ren ad gee jeh mess thalloo Chanaan yn vleïn shen.