Joshua 5:1 - Yn Vible Casherick 1775 1819

¹ As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.

Joshua 5:1 ပူးပေါင်းရင်းမြစ်များ

Genesis 12:6

As ren Abram troailt trooid y cheer gys Sichem, gys cheer rea Moreh. As va’n Canaanite ec y traa shen ayns y cheer.

Genesis 48:22

Ta mee myrgeddin er choyrt dhyt chooid-ronney sodjey, erskyn dty vraaraghyn, ghow mee ass laue yn Amorite lesh my chliwe, as lesh my vhow.

2 Samuel 21:2

As deïe’n ree er ny Gibeoniteyn, as dooyrt eh roo; (nish cha row ny Gibeoniteyn jeh cloan Israel, agh jeh fooilliagh ny Amoriteyn; as va cloan Israel er vreearrey daue; as ve ayns aigney Saul dy stroie ad ayns e yeeanid da cloan Israel as Yudah;)

1 Reeaghyn 10:5

Gien e voayrd, as myr va ny fir-oik echey nyn soie, as stayd e hirveishee, as nyn goamrey, as ny butleryn, as ny greeshyn, orroo hie eh seose gys thie’n Chiarn; chaill ee e tappey lesh yindys.

Ezra 9:1

Nish, lurg da ny reddyn shoh ve jeant, haink ny princeyn hym gra, Cha vel pobble Israel, as ny saggyrtyn, as ny Leviteyn, er scarrey ad-hene veih pobble ny cheeraghyn [joarree], jannoo cordail rish ny obbraghyn feohdoil oc, eer jeh ny Canaaniteyn, ny Hittiteyn, ny Perizziteyn, ny Jebusiteyn, ny Ammoniteyn, ny Moabiteyn, as Egyptianee, as ny Amoriteyn.

Psalmyn 135:11

Sihon ree ny Amoriteyn, as Og ree Vasan: as ooilley reeriaghtyn Chanaan;

Exodus 23:28

As ver-yms ny peishteigyn-nieunagh royd, nee yn Hivite, yn Canaanite, as yn Hittite y eebyrt royd.

Isaiah 41:5

Honnick ny ellanyn shoh, as va aggle orroo; va atchim er cummaltee ardjyn sodjey magh y thallooin, hayrn ad dy cheilley, as haink ad.

Ezekiel 16:3

As abbyr, Myr shoh ta’n Chiarn Jee dy ghra rish Jerusalem, Ta dty ruggey as dty ghooghys jeh thalloo Chanaan, Amorite va dty ayr, as Hittite dty voir.

Ezekiel 21:7

As hig eh gy-kione, tra jir ad rhyt, Cre’n-fa t’ou gosnaghey? dy dreggyr oo, Son ny naightyn ta cheet, ver er dy chooilley chree lheïe ersooyl, as bee dy chooilley laue annoon, as hed dy chooilley spyrryd naardey, as bee dy chooilley ghlioon faase myr ushtey: cur-my-ner, te cheet, as hig eh gys kione, ta’n Chiarn Jee dy ghra.

Daniel 5:6

Eisht va eddin y ree er ny chaghlaa, as va sneih er e aigney, myr shen dy row juntyn e veeghyn er ny lhaggaghey, as woaill e ghlioonyn noi-ry-hoi.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Earrooyn 13:29

Ta ny Amalekiteyn cummal ayns y cheer, my-yiass: as ta ny Hittiteyn, as ny Jebusiteyn, as ny Amoriteyn cummal ayns ny sleityn: as ta ny Canaaniteyn cummal er oirr ny marrey, as liorish slyst Yordan.

Joshua 17:12

Ny-yeih cha yarg cloan Vanasseh er geiyrt magh cummaltee ny baljyn shen, agh dreill ny Canaaniteyn nyn gummal ’sy cheer shen er niart.

Joshua 17:18

Agh bee’n slieau lhiat’s; son te ny cheyll, as giaree oo sheese eh: as bee ny ardjyn echey lhiat’s: as eiyree oo magh ny Canaaniteyn, ga dy vel oc fainee yiarn, as my s’lajer ad.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 3:17

As ren ny saggyrtyn va gymmyrkey arg conaant y Chiarn shassoo shickyr er thalloo chirrym ayns mean Yordan, as ren ooilley ny Israeliteyn goll harrish er thalloo chirrym, derrey va’n slane pobble dy bollagh er gholl harrish Jordan.

Ashlish 18:10

Shassoo foddey jeh son aggle jeh’n torchagh eck, gra, Ah treih, treih, yn ard-valley mooar shen Babylon, yn ard-valley mooar lajer shen! son ayns un oor ta dty vriwnys er jeet.

Briwnyn 1:1

Nish lurg baase Yoshua, haink eh gy-kione, dy ren cloan Israel shirrey coyrle jeh’n Chiarn, gra, Quoi hed seose hoshiaght er nyn son noi ny Canaaniteyn, dy chaggey?

Briwnyn 11:23

Shoh myr ta’n Chiarn Jee Israel er choyrt ass possession ny Amoriteyn roish e phobble Israel; as cre’n chairys t’ayd’s ayn eisht?

Briwnyn 3:3

Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.

Briwnyn 4:2

As ren y Chiarn ad y chreck gys laue Yabin ree Chanaan, va reill ayns Hazor; captan e heshaght-chaggee va Sisera, va e chummal ayns Harosheth jeh ny ashoonyn.

1 Samuel 25:37

Agh haink eh gy-kione laa-ny-vairagh, tra va Nabal er jeet dy ve sheelt, as dy row e ven er n’insh da ny reddyn shoh, dy ren e chree gannooinaghey cheu-sthie jeh, as haink eh dy ve myr clagh.