Joshua 4:9 - Yn Vible Casherick 1775 1819

⁹ As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.

Joshua 4:9 ပူးပေါင်းရင်းမြစ်များ

Genesis 26:33

As ren eh genmys eh Sheba: shen-y-fa ta ennym yn ard-valley shen Beer-sheba gys y laa t’ayn jiu.

Genesis 28:18

As dirree Jacob dy moghey, as ghow eh yn chlagh hug eh fo e chione, as hoie eh seose eh son Pillar, as gheayrt eh ooil er e vullagh.

2 Samuel 4:3

As chossyn ny Beerothiteyn gys Gittaim, as ren ad cummal ayn derrey’n laa jiu.)

1 Reeaghyn 18:31

As ghow Elijah daa chlagh jeig, cordail rish earroo tribeyn mec Yacob, huggey haink goo’n Chiarn, gra, Israel vees dty ennym.

2 Recortyssyn 5:9

As hayrn ad magh looghyn yn arg, dy row king ny looghyn ry-akin veih’n arg cheu-sthie roish yn ynnyd casherick, agh cha row ad ry-akin cheu-mooie. As shen y raad t’ad gys y laa t’ayn jiu.

Exodus 24:12

As dooyrt y Chiarn rish Moses, Tar seose hym’s er y chronk, as fuirree ayns shen; as ver-yms dhyt buird chloaie, as leigh, as annaghyn ta mee er scrieu; dhyt’s dy ynsaghey daue.

Exodus 28:21

As bee ny claghyn ghaa-yeig, cordail rish enmyn chloan Israel; myr ta seal granit, dagh unnane jeu lesh e ennym, cordail rish y daa hribe jeig.

Noo Mian 27:8

Shen-y-fa va’n magher shen enmyssit, Yn magher folley, gys y laa t’ayn jiu.

Noo Mian 28:15

Myr shen ghow ad yn argid, as ren ad myr va currit roue: as ta’n raa shoh dy cadjin er ny insh magh mastey ny Hewnyn gys y laa t’ayn jiu.

Deuteronomy 34:6

As v’eh er ny oanluckey ayns coan, ayns cheer Voab, er-gerrey da Beth-peor: agh cha vel fys ec dooinney erbee cre’n raad ta e lhiaght, gys y laa t’ayn jiu.

Joshua 24:26

As ren Joshua ny goan shoh y scrieu ayns lioar leigh Yee, va ayns cabbane-agglish y Chiarn, as ghow eh clagh vooar, as hoie eh seose eh ayns shen fo billey-darragh.

Joshua 4:10

Son ren ny saggyrtyn dymmyrk yn arg shassoo ayns mean Yordan, derrey va dy chooilley nhee er ny chooilleeney va’n Chiarn er phointeil da Joshua dy ghra rish y pobble, cordail rish ooilley ny va Moses er churmal Joshua: as ren y pobble siyr, as hie ad harrish.

Briwnyn 1:26

As hie yn dooinney gys cheer ny Hittiteyn, as hrog eh ard-valley, as denmys eh eh Luz: as shoh’n ennym t’er gys y laa jiu.

1 Samuel 30:25

As veih’n traa shen magh, ren eh shoh son slattys as oardagh ayns Israel, gys y laa t’ayn jiu.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.