Joshua 4:6 - Yn Vible Casherick 1775 1819

⁶ Dy vod shoh ve cowrey ny-vud eu, tra nee nyn gloan briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?

Joshua 4:6 ပူးပေါင်းရင်းမြစ်များ

Psalmyn 44:1

Ta shin er chlashtyn lesh nyn gleayshyn, O Yee, ta nyn ayraghyn er n’insh dooin: cre ny obbraghyn ren uss ayns y traa ocsyn ’sy chenn earish;

Psalmyn 71:18

O cre’n seaghyn as yn arkys trome t’ou er choyrt my raad! as foast hyndaa oo as ren oo mee y ooraghey: dy jarroo, as hug oo lhiat mee reesht veih diunid ny hooirey.

Exodus 12:14

As bee’n laa shoh eu ayns cooinaghtyn kinjagh; as nee shiu freayll eh feailley gys y Chiarn, trooid nyn sheelogheyn: nee shiu freayll eh feailley, liorish oardagh son dy bragh.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 31:13

Loayr uss myrgeddin rish cloan Israel, gra, Nee shiu dy firrinagh my ghooneeyn y reayll: son te ny chowrey eddyr mish as shiuish, trooid nyn sheelogheyn; dy vod fys ’ve eu dy nee mish y Chiarn, ta casherickey shiu.

Isaiah 38:19

Yn vio, yn dooinney bio, eshyn ver moylley dhyt, myr ta mish jiu; nee yn ayr da e chloan soilshaghey dty ynrickys.

Isaiah 55:13

Ayns ynnyd y drine nee gaase seose yn billey-juys, as ayns ynnyd y dress hig seose yn billey-myrtle: as bee eh da’n Chiarn son ennym, son cowrey dy bragh farraghtyn, nagh bee er ny yiarey jeh.

Ezekiel 20:12

Ny sodjey na shoh, hug mee daue my ghooneeyn, dy ve son cowrey eddyr mish as adsyn, dy voddagh fys y ve oc, dy nee mish y Chiarn, ta dy chasherickey ad.

Ezekiel 20:20

As freill-jee casherick my ghooneeyn, as bee ad son cowrey eddyr mysh as shiuish, dy vod fys y ve eu, dy nee mish y Chiarn nyn Yee.

Earrooyn 16:38

Censeryn ny peccee shoh noi ny anmeenyn oc hene, lhig daue ve jeant plaityn lhean dy choodaghey yn altar: son v’ad chebbit gys y Chiarn, shen-y-fa t’ad casherick: as bee ad son cowrey da cloan Israel.

Jannoo 2:39

Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

Deuteronomy 11:19

As nee shiu gynsaghey ad da nyn gloan, loayrt jeu, tra t’ou ayns dty hie, as tra t’ou shooyl er y raad, tra t’ou goll dy lhie, as tra t’ou girree.

Joshua 22:27

Agh dy ve son feanish eddyr shiuish as shinyn, as nyn sheelogheyn nyn yeï, dy vel cairys ain dy heet gys shirveish y Chiarn ayns e eanish, lesh nyn ourallyn-losht, as lesh nyn jebballyn as lesh nyn ourallyn-shee; nagh jir yn chloan euish rish y chloan ainyn ayns y traa ta ry-heet, Cha vel ayrn euish ayns y Chiarn.

Joshua 4:21

As loayr eh rish cloan Israel, gra, Tra nee yn chloan eu briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?

Joshua 4:5

As dooyrt Joshua roo, Chyndaa-jee dy tappee gys arg y Chiarn y Jee eu ayns mean Yordan, as trog-jee dagh dooinney eu clagh er e gheaylin, cordail rish earroo tribeyn cloan Israel: