Joshua 4:5 - Yn Vible Casherick 1775 1819

⁵ As dooyrt Joshua roo, Chyndaa-jee dy tappee gys arg y Chiarn y Jee eu ayns mean Yordan, as trog-jee dagh dooinney eu clagh er e gheaylin, cordail rish earroo tribeyn cloan Israel:

Joshua 4:5 ပူးပေါင်းရင်းမြစ်များ

Genesis 31:46

As dooyrt Jacob rish e vraaraghyn, chaggil-jee claghyn; as ghow ad claghyn, as ren ad carnane, as d’ee ad ayns shen er y charnane.

Exodus 24:4

As scrieu Moses ooilley goan y Chiarn, as dirree eh leah ’sy voghrey, as hrog eh altar fo’n chronk as daa phillar jeig, cordail rish daa hribe jeig Israel.

Deuteronomy 27:2

As hig eh gy-kione, tra vees shiu er n’gholl harrish Jordan, gys y cheer ta’n Chiarn dty Yee dy choyrt dhyt, dy jean uss soiaghey seose dhyt claghyn mooarey, as ad y phlastrail harrish.

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Joshua 22:10

As tra haink ad gys oirr Yordan, t’ayns cheer Chanaan, ren cloan Reuben, as cloan Ghad, as lieh-tribe Vanasseh, altar mooar y hroggal ayns shen liorish Jordan, altar feer ard as cronnal.

Joshua 4:4

Eisht deïe Joshua er y daa ghooinney jeig v’eh hene er reih mastey cloan Israel, ass dagh tribe dooinney:

Joshua 4:6

Dy vod shoh ve cowrey ny-vud eu, tra nee nyn gloan briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?