Joshua 4:22 - Yn Vible Casherick 1775 1819

²² Eisht ver shiu toiggal da nyn gloan, gra, Haink Israel trooid Jordan er thalloo chirrym.

Joshua 4:22 ပူးပေါင်းရင်းမြစ်များ

Exodus 14:22

As hie cloan Israel trooid yn aarkey er thalloo chirrym: as va ny ushtaghyn son voalley daue er nyn laue yesh, as er nyn laue hoshtal.

Exodus 14:29

Agh hie cloan Israel er nyn doshiaght er thalloo chirrym, ayns mean yn aarkey: as va ny ushtaghyn son voalley daue, er nyn laue yesh, as er nyn laue hoshtal.

Exodus 15:19

Son hie cabbil Pharaoh stiagh ’syn aarkey, lesh e ainee, as e varkee, as hug y Chiarn lesh reesht ushtaghyn yn aarkey orroo: agh ren cloan Israel troailt er thalloo chirrym ayns mean yn aarkey.

Isaiah 44:27

Ta gra rish y diunid, Bee er dty hyrmaghey, as chyrmee-yms seose dty awinyn;

Isaiah 51:10

Nagh nee uss eh t’er jyrmagh seose yn aarkey, ushtaghyn y diunid vooar; t’er n’yannoo diunid ny marrey ny raad-vooar son e chloan chionnit dy gholl ny hrooid?

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 3:17

As ren ny saggyrtyn va gymmyrkey arg conaant y Chiarn shassoo shickyr er thalloo chirrym ayns mean Yordan, as ren ooilley ny Israeliteyn goll harrish er thalloo chirrym, derrey va’n slane pobble dy bollagh er gholl harrish Jordan.

Joshua 4:21

As loayr eh rish cloan Israel, gra, Tra nee yn chloan eu briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?

Ashlish 16:12

As gheayrt y cheyoo ainle e chappan er awin vooar Euphrates; as va e ushtey chyrmit seose, dy voddagh raad ve jeant aarloo da reeaghyn y shiar.