Joshua 4:19 - Yn Vible Casherick 1775 1819

¹⁹ As haink ooilley yn pobble seose ass Jordan er y jeihoo laa jeh’n chied vee, as hoie ad nyn gamp ayns Gilgal, ayns ardjyn my-hiar Jericho.

Joshua 4:19 ပူးပေါင်းရင်းမြစ်များ

2 Reeaghyn 2:1

As haink eh gy-kione, tra baillish y Chiarn Elijah y ghoaill seose gys niau lesh geay-chassee, dy jagh Elijah marish Elisha veih Gilgal.

Amos 4:4

Tar-jee gys Beth-el, as cur-jee rish peccah, ec Gilgal niartee-jee nyn beccah; as cur-jee lhieu nyn ourallyn dy chooilley voghrey, as ny jagheenyn eu lurg three bleeantyn.

Amos 5:5

As ny shir-jee gys Beth-el, chamoo gow-jee stiagh ayns Gilgal, as ny immee-jee gys Beer-sheba: son hed Gilgal son shickyrys ayns cappeeys, as hed Beth-el naardey.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Deuteronomy 1:3

As haink eh gy-kione, ’sy da-eedoo vleïn, ’syn un vee yeig, er y chied laa jeh’n vee, dy loayr Moses rish cloan Israel, cordail rish ooilley ny va’n Chiarn er choyrt roish son sarey daue.

Deuteronomy 11:30

Nagh vel ad shoh er y cheu elley dy Yordan, lesh lhie ny greïney, ayns cheer ny Canaaniteyn, ta cummal ’sy cheer-rea, jeeragh er Gilgal, rish coanyn Voreh?

Joshua 10:43

As hyndaa Joshua, as ooilley Israel mârish, gys y champ gys Gilgal.

Joshua 10:6

As hug deiney Ghibeon fys gys Joshua gys y champ ec Gilgal, gra, Ny bee lhag-lauee rish dty harvaantyn; tar seose hooin ayns dy chooilley hiyr, as saue shin, as cooin lhien: son ta ooilley reeaghyn ny Amoriteyn ta cummal ayns ny sleityn er nyn jaglym cooidjagh nyn ’oï.

Joshua 15:7

As hie’n chagliagh seose lesh Debir veih coan Achor, as myr shen my-hwoaie, lesh Gilgal, ta er y raad seose gys Adummim, ta er cheu-jiass yn awin: as hie’n chagliagh lesh ushtaghyn En-shemesh, as ren eh jerrey ec Enrogel:

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Joshua 4:18

As haink eh gy-kione, tra va ny saggyrtyn va gymmyrkey arg conaant y Chiarn er jeet seose ass mean Yordan, as (dy goan) va boyn-coshey ny saggyrtyn er roshtyn gys y thalloo chirrym, dy ren ushtaghyn Yordan chyndaa gys nyn ynnyd hene, as gatt harrish ooilley e vrooinyn, myr v’ad roïe.

Joshua 5:10

As ren cloan Israel campal ayns Gilgal, as dreill ad y chaisht er y chiarroo laa yeig jeh’n vee, ’syn astyr, ayns cheer-rea Yericho.

Joshua 5:9

As dooyrt y Chiarn rish Joshua, Jiu ta mee er scughey ersooyl oltooan Egypt veueish. Shen-y-fa ta’n ynnyd enmyssit Gilgal gys y laa t’ayn jiu.

Joshua 9:6

As hie ad gys Joshua gys y champ ec Gilgal, as dooyrt ad rishyn, as rish ard-gheiney Israel, Ta shinyn er jeet voish cheer foddey: jean-jee nish, er-y-fa shen, shee rooin.

1 Samuel 10:8

As hed oo sheese roym’s gys Gilgal; as cur-my-ner, hig-yms sheese hood, dy hebbal ourallyn-losht, as ourallyn-shee: shiaght laa nee oo farkiagh, derrey hig-ym, dy chur royd cre nee oo y yannoo.

1 Samuel 15:33

As dooyrt Samuel, Myr ta dty chliwe er n’yannoo mraane gyn cloan, shen myr vees dty voir fegooish cloan mastey mraane. As yiare Samuel Agag ayns peeshyn kiongoyrt rish y Chiarn ayns Gilgal.