Joshua 4:18 - Yn Vible Casherick 1775 1819

¹⁸ As haink eh gy-kione, tra va ny saggyrtyn va gymmyrkey arg conaant y Chiarn er jeet seose ass mean Yordan, as (dy goan) va boyn-coshey ny saggyrtyn er roshtyn gys y thalloo chirrym, dy ren ushtaghyn Yordan chyndaa gys nyn ynnyd hene, as gatt harrish ooilley e vrooinyn, myr v’ad roïe.

Joshua 4:18 ပူးပေါင်းရင်းမြစ်များ

1 Recortyssyn 12:15

Shoh adsyn hie harrish Jordan ayns y chied vee, tra va’n thooilley er lhieeney harrish ooilley e brooinyn; as deiyr ad ersooyl ooilley cummaltee ny coanyn, chammah shiar as sheear.

Isaiah 8:8

As nee eh gimmeeaght trooid Judah; nee eh gatt as roie harrish nee eh roshtyn eer gys y wannal; as lesh sheeyney magh e skianyn nee eh lhieeney lheead yn cheer ayd’s, O Immanuel.

Joshua 3:13

As hig eh gy-kione, cha leah’s nee boyn-coshey ny saggyrtyn ta gymmyrkey arg y Chiarn, Chiarn ooilley’n seihll, shassoo ayns ushtaghyn Yordan, dy bee ushtaghyn Yordan er ny scarrey veih ny ushtaghyn t’er cheu heose; as nee ad shassoo myr voalley.

Joshua 3:15

As myr v’adsyn va gymmyrkey yn arg er jeet gys Jordan, as dy goan va cassyn ny saggyrtyn va gymmyrkey yn arg er roshtyn gys oirr ny hawin, (son ta Jordan gatt harrish ooilley e vrooinyn slane imbagh ny fouyr),

Joshua 4:11

As haink eh gy-kione, tra va ooilley yn pobble dy bollagh er n’gholl harrish, dy jagh arg y Chiarn as ny saggyrtyn harrish, ayns fenish y pobble.

Joshua 4:17

Doardee Joshua er-y-fa shen ny saggyrtyn, gra, Tar-jee seose ass Jordan.

Joshua 4:19

As haink ooilley yn pobble seose ass Jordan er y jeihoo laa jeh’n chied vee, as hoie ad nyn gamp ayns Gilgal, ayns ardjyn my-hiar Jericho.