Joshua 4:14 - Yn Vible Casherick 1775 1819

¹⁴ Er y laa shen ren y Chiarn soiaghey seose Joshua ayns ard-ooashley fenish ooilley Israel; as v’ad arrymagh da, myr v’ad arrymagh da Moses, ooilley laghyn e vea.

Joshua 4:14 ပူးပေါင်းရင်းမြစ်များ

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

2 Reeaghyn 2:15

As tra honnick mec ny phadeyryn eh, adsyn hie dy ghoaill baght ec Jericho, dooyrt ad, Ta spyrryd Elijah tannaghtyn er Elisha. As hie ad ny whail, as ren ad croymmey ad-hene gys y thalloo kiongoyrt rish:

1 Recortyssyn 29:25

As ren y Chiarn Solomon y hoiaghey seose dy ard ayns sooillyn ooilley Israel, as stow eh er lheid y ooashley reeoil as nagh row ec ree erbee va roish ayns Israel.

2 Recortyssyn 30:12

Agh ayns Judah va laue Yee lhieu lesh un chree dy chooilleeney sarey’n ree as ny princeyn, liorish goo’n Chiarn.

Exodus 11:3

As hug y Chiarn foayr da’n pobble ayns shilley ny Egyptianee. Marish shoh, va’n dooinney Moses ayns ard ghoo trooid cheer Egypt, rish fir-oik Pharaoh, as rish y pobble.

Exodus 14:31

As honnick Israel yn obbyr vooar shen ren y Chiarn er ny Egyptianee: as ghow’n pobble aggle roish y Chiarn, as chred ad y Chiarn, as e harvaant Moses.

Raaghyn Creeney 24:21

My vac, bee uss ayns aggle y Chiarn, as y ree: as ny bee veg ayd dy yannoo roosyn ta shirrey caghlaa.

Romanee 13:4

Son shirveishagh Yee eh dhyt’s son foays. Agh my t’ou jannoo shen ta olk, gow aggle; son cha vel eh gymmyrkey yn cliwe ayns fardail: son sharvaant Yee eh, fer ta coamrit lesh pooar dy ghoaill cooilleen ersyn ta jannoo olk.

1 Corinthianee 10:2

As v’ad ooilley bashtit gys Moses ayns y vodjal, as ayns yn aarkey;

Joshua 3:7

As dooyrt y Chiarn rish Joshua, Jiu nee’m toshiaght dy yannoo uss ooasle ayns shilley ooilley Israel, dy vod fys ve oc, myr va mee marish Moses, myr shen dy bee’m mayrt’s.

Joshua 4:13

Mysh da-eed thousane aarloo dy ghoaill magher hie harrish kiongoyrt rish y Chiarn gys caggey, gys thalloo-rea Yericho.

Joshua 4:15

As loayr y Chiarn rish Joshua, gra,

1 Samuel 12:18

Myr shen deïe Samuel gys y Chiarn; as hug y Chiarn taarnagh as fliaghey yn laa shen: as va ooilley’n pobble ayns lane aggle roish y Chiarn as Samuel.