Joshua 4:12 - Yn Vible Casherick 1775 1819

¹² As ren cloan Reuben, as cloan Ghad, as lieh-tribe Vanasseh, goll harrish armit roish cloan Israel, myr va Moses er loayrt roo:

Joshua 4:12 ပူးပေါင်းရင်းမြစ်များ

Exodus 13:18

Agh ren Jee yn pobble y leeideil mygeayrt, liorish raad faasagh yn Aarkey Jiarg. As hie cloan Israel magh ass cheer Egypt ayns order-caggee.

Earrooyn 1:24

Jeh cloan Ghad, liorish ny sheelogheyn oc, cordail rish nyn lught-thie, myr va thie ny ayraghyn oc, cordail rish earroo ny enmyn, veih feed bleïn d’eash as erskyn, ooilley ny va son goll magh gys caggey;

Earrooyn 32:17

Agh hem mayd hene ayns slane eïlley-caggee roish cloan Israel, derrey vees mayd er chur lhien ad gys nyn gummal: as faag mayd nyn gloan veggey ayns ard-valjyn voallit, er-aggle jeh cummaltee’n cheer.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 33:21

As ghow eh yn chied ayrn myr reih da hene, son shen y raad va e eiraght er ny hickyraghey da [liorish Moses] as haink eh marish leeideilee yn pobble, chooilleen eh cairys y Chiarn, as e vriwnyssyn rish Israel.

Joshua 1:14

Nee ny mraane, yn chloan, as y maase eu, tannaghtyn ayns y cheer hug Moses diu cheu shoh dy Yordan; agh hed shiu hene roish nyn mraaraghyn armit, ooilley ny deiney caggee niartal, as coon-jee lhieu,

Joshua 4:11

As haink eh gy-kione, tra va ooilley yn pobble dy bollagh er n’gholl harrish, dy jagh arg y Chiarn as ny saggyrtyn harrish, ayns fenish y pobble.

Joshua 4:13

Mysh da-eed thousane aarloo dy ghoaill magher hie harrish kiongoyrt rish y Chiarn gys caggey, gys thalloo-rea Yericho.