Joshua 4:10 - Yn Vible Casherick 1775 1819

¹⁰ Son ren ny saggyrtyn dymmyrk yn arg shassoo ayns mean Yordan, derrey va dy chooilley nhee er ny chooilleeney va’n Chiarn er phointeil da Joshua dy ghra rish y pobble, cordail rish ooilley ny va Moses er churmal Joshua: as ren y pobble siyr, as hie ad harrish.

Joshua 4:10 ပူးပေါင်းရင်းမြစ်များ

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Exodus 12:39

As ren ad berreenyn jeh’n theayst hug ad lhieu magh ass Egypt: son cha row eh slane fuinnit; er-yn-oyr dy row ad eiyrit magh ass Egypt ayns siyr, as cha row tra oc son fuirriaghtyn, chamoo v’ad er n’aarlaghey daue hene veg y veaghey gour nyn yurnah.

Raaghyn Creeney 27:1

Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

2 Corinthianee 6:2

(Son t’eh gra, Ta mee er dty chlashtyn ayns earish ghraysoil, as ayns laa yn taualtys ta mee er choyrt couyr dhyt: cur-my-ner, nish ta’n earish ghraysoil ayn; jeeagh, nish ta’n laa dy haualtys.)

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Joshua 3:13

As hig eh gy-kione, cha leah’s nee boyn-coshey ny saggyrtyn ta gymmyrkey arg y Chiarn, Chiarn ooilley’n seihll, shassoo ayns ushtaghyn Yordan, dy bee ushtaghyn Yordan er ny scarrey veih ny ushtaghyn t’er cheu heose; as nee ad shassoo myr voalley.

Joshua 4:11

As haink eh gy-kione, tra va ooilley yn pobble dy bollagh er n’gholl harrish, dy jagh arg y Chiarn as ny saggyrtyn harrish, ayns fenish y pobble.

Joshua 4:9

As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.