Joshua 3:5 - Yn Vible Casherick 1775 1819

⁵ As dooyrt Joshua rish y pobble, Jean-jee shiu hene y chasherickey: son mairagh nee yn Chiarn mirrilyn ny-vud eu.

Joshua 3:5 ပူးပေါင်းရင်းမြစ်များ

Lioar Yob 1:5

As myr shen ve, tra va laghyn y yien oc er n’gholl mygeayrt, dy dug Job fys orroo, as ren eh ad y chasherickey, as heb eh chebballyn-losht son dagh unnane jeu: son smooinee Job, Foddee eh ’ve dy vel my vec er n’yannoo peccah, as er yarrood Jee ayns nyn gree. Shoh myr ren Job dy kinjagh.

Psalmyn 77:15

T’ou dy niartal er livrey dty phobble: dy jarroo mec Yacob as Yoseph.

Psalmyn 86:10

Son t’ou uss ard, as jannoo reddyn yindyssagh: uss yn ynrycan Jee.

Joel 2:16

Chaggle-jee yn pobble: jean-jee yn co-chruinnaght y chasherickey; chaggle-jee yn chenndeeaght; chymsee-jee cooidjagh yn chloan, as adsyn ta jiole er y cheeagh: lhig da’n dooinney-poosee goll magh ass e hiamyr, as y ven-phoosee ass e closet.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Leviticus 20:7

Jean-jee shiu hene y casherickey er-y-fa shen, as bee-jee casherick: son mish y Chiarn y Jee eu.

Earrooyn 11:8

As hie’n pobble magh as haggil ad eh, as veihll ad eh ayns mwylljyn, ny vroo ad eh ayns mortar, as vroie ad eh ayns pannyn, as ren ad berreenyn jeh: as va’n blass echey myr blass ooil noa-jeant.

Noo Ean 17:19

As er y ghraih ocsyn ta mish dy chasherickey mee hene, dy vod adsyn myrgeddin v’er nyn gasherickey gys yn irriney.

Joshua 3:13

As hig eh gy-kione, cha leah’s nee boyn-coshey ny saggyrtyn ta gymmyrkey arg y Chiarn, Chiarn ooilley’n seihll, shassoo ayns ushtaghyn Yordan, dy bee ushtaghyn Yordan er ny scarrey veih ny ushtaghyn t’er cheu heose; as nee ad shassoo myr voalley.

Joshua 3:15

As myr v’adsyn va gymmyrkey yn arg er jeet gys Jordan, as dy goan va cassyn ny saggyrtyn va gymmyrkey yn arg er roshtyn gys oirr ny hawin, (son ta Jordan gatt harrish ooilley e vrooinyn slane imbagh ny fouyr),

Joshua 3:4

Ny-yeih bee space daa housane cubit eddyr shiuish as yn arg: ny tar-jee er-gerrey da, dy vod shiu baght y ghoaill jeh’n raad ta shiu dy gholl: son cha vel shiu er gholl yn raad shoh roïe.

Joshua 3:6

As loayr Joshua rish ny saggyrtyn, gra, Trog-jee seose arg y chonaant, as gow-jee shiuish harrish roish y pobble. As hrog ad arg y chonaant, as jimmee ad roish y pobble.

Joshua 7:13

Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

1 Samuel 16:5

As dooyrt eh, Dy sheeoil: ta mee er jeet dy hebbal oural gys y Chiarn; jean-jee shiu-hene y chasherickey, as tar-jee mârym gys yn oural. As va Jesse as e vec er nyn gasherickey, as chuir eh ad gys yn oural.