Joshua 3:4 - Yn Vible Casherick 1775 1819

⁴ Ny-yeih bee space daa housane cubit eddyr shiuish as yn arg: ny tar-jee er-gerrey da, dy vod shiu baght y ghoaill jeh’n raad ta shiu dy gholl: son cha vel shiu er gholl yn raad shoh roïe.

Joshua 3:4 ပူးပေါင်းရင်းမြစ်များ

Genesis 31:2

As hug Jacob tastey da eddin Laban, as cur-my-ner, cha row eh lesh myr ve roïe.

1 Recortyssyn 11:2

As marish shoh cha voddey er-dy-henney, eer tra va Saul ny ree, uss v’eh, hie magh as stiagh roish Israel ayns caggey: as rhyt’s dooyrt y Chiarn dty Yee, Uss nee bochillagh my phobble Israel, as uss nee reill harrish my phobble Israel.

Psalmyn 25:12

Bee’n annym echey ec aash: as yiow e luight yn cheer ayns eiraght.

Psalmyn 89:7

As quoi eshyn mastey ny Jeeghyn: vees casley rish y Chiarn?

Exodus 19:12

As nee oo soiaghey cagliagh roish y pobble ooilley mygeayrt, gra, Jeeagh-jee diu hene nagh jed shiu seose er y clieau, ny cheet faare yn oirr echey: quoi-erbee vennys rish y clieau bee eh son shickyrys er ny choyrt gy-baase.

Exodus 3:5

As dooyrt eshyn, Ny tar ny sniessey, cur dty vraagyn jeh dty chassyn, son ta’n ynnyd t’ou dy hassoo er, grunt chasherick.

Exodus 4:10

As dooyrt Moses rish y Chiarn, O my Hiarn, cha nee dooinney mee dy ghlare floaoil, chamoo roish, ny erreish dhyt loayrt rish dty harvaant: agh ta mee moal ayns glare as chengey.

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

Isaiah 48:17

Myr shoh ta’n Chiarn dty Er-kionnee gra, Jee casherick Israel; Mish y Chiarn dty Yee ta dty ynsaghey gys dty vondeish hene, ta dty leeideil er y raad ayn lhisagh oo gimmeeaght.

Joshua 3:3

As hug ad currym er y pobble, gra, Cha leah as nee shiu fakin arg conaant yn Chiarn y Jee eu, as ny saggyrtyn ny Leviteyn gymmyrkey eh, eisht nee shiuish troggal, as goll geiyrt er.

Joshua 3:5

As dooyrt Joshua rish y pobble, Jean-jee shiu hene y chasherickey: son mairagh nee yn Chiarn mirrilyn ny-vud eu.