Joshua 3:17 - Yn Vible Casherick 1775 1819

¹⁷ As ren ny saggyrtyn va gymmyrkey arg conaant y Chiarn shassoo shickyr er thalloo chirrym ayns mean Yordan, as ren ooilley ny Israeliteyn goll harrish er thalloo chirrym, derrey va’n slane pobble dy bollagh er gholl harrish Jordan.

Joshua 3:17 ပူးပေါင်းရင်းမြစ်များ

2 Reeaghyn 2:8

As ghow Elijah e chloagey, as ren eh filley eh dy cheilley, as woaill eh ny ushtaghyn, as v’ad er nyn scarrey veih-my-cheilley; myr shen dy jagh ad ny-neesht harrish er thalloo chirrym.

Psalmyn 66:6

T’eh reill lesh e phooar son dy bragh; ta e hooillyn cur tastey da’n pobble: as ny lheid as nagh jean credjal, cha bee abyl ad-hene y hoiaghey seose.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 14:22

As hie cloan Israel trooid yn aarkey er thalloo chirrym: as va ny ushtaghyn son voalley daue er nyn laue yesh, as er nyn laue hoshtal.

Exodus 14:29

Agh hie cloan Israel er nyn doshiaght er thalloo chirrym, ayns mean yn aarkey: as va ny ushtaghyn son voalley daue, er nyn laue yesh, as er nyn laue hoshtal.

Isaiah 25:8

Nee eh sluggey seose baase ayns barriaght, as nee yn Chiarn Jee glenney ersooyl jeïr veih dy chooilley ghruaie, as oltooan e phobble nee eh goaill ersooyl veih ooilley yn seihll: son ta’n Chiarn er loayrt eh.

Earrooyn 33:51

Loayr rish cloan Israel, as abbyr roo, Tra vees shiu er gholl harrish Jordan, ayns cheer Chanaan;

Hebrewnee 11:29

Liorish credjue hie ad trooid y Faarkey Jiarg, myr er thalloo chirrym: y lheid cheddin tra ghow ny Egyptianee orroo dy yannoo, v’ad baiht.

Joshua 4:1

As haink eh gy-kione, tra va’n slane pobble dy bollagh er gholl harrish Jordan, dy loayr y Chiarn rish Joshua, gra,

Joshua 4:10

Son ren ny saggyrtyn dymmyrk yn arg shassoo ayns mean Yordan, derrey va dy chooilley nhee er ny chooilleeney va’n Chiarn er phointeil da Joshua dy ghra rish y pobble, cordail rish ooilley ny va Moses er churmal Joshua: as ren y pobble siyr, as hie ad harrish.

Joshua 4:11

As haink eh gy-kione, tra va ooilley yn pobble dy bollagh er n’gholl harrish, dy jagh arg y Chiarn as ny saggyrtyn harrish, ayns fenish y pobble.

Joshua 4:22

Eisht ver shiu toiggal da nyn gloan, gra, Haink Israel trooid Jordan er thalloo chirrym.

Joshua 4:3

As cur-jee sarey daue, gra, Gow-jee ass shoh veih mean Yordan, veih yn eer ynnyd er ren cassyn ny saggyrtyn shassoo shickyr, daa chlagh jeig; as ver shiu lhieu ad mêriu, as faagail ad ’syn ynnyd raad nee shiu campal noght.

Joshua 5:1

As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.