Joshua 3:16 - Yn Vible Casherick 1775 1819

¹⁶ Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 3:16 ပူးပေါင်းရင်းမြစ်များ

Genesis 14:3

V’ad shoh er nyn jaglym cooidjagh ayns coan Siddim, ta nish enmyssit yn keayn sailjey.

1 Reeaghyn 4:12

Baana, mac Ahilud; fosyn va Taanach as Megiddo, as ooilley Beth-shean, ta liorish Zartanah liorish Jezreel, veih Beth-shean gys Abel-meholah, eer gys yn ynnyd t’er cheu elley jeh Jokneam.

1 Reeaghyn 7:46

Ayns thalloo-rea Yordan ren y ree ad y lheïe, ayns y thalloo craie eddyr Succoth as Zarthan.

Psalmyn 114:3

Honnick y faarkey shoh, as ren eh chea: va Jordan er ny imman noi’n choorse.

Psalmyn 114:5

Cre haink ort’s, O aarkey, dy ren oo chea: as ort’s, Yordan, dy row er dty imman back?

Psalmyn 29:10

Ver y Chiarn niart da e phobble: ver y Chiarn da e phobble yn bannaght dy hee.

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Psalmyn 66:6

T’eh reill lesh e phooar son dy bragh; ta e hooillyn cur tastey da’n pobble: as ny lheid as nagh jean credjal, cha bee abyl ad-hene y hoiaghey seose.

Psalmyn 74:15

Woaill oo king y Leviathan ayns peeshyn: as hug oo eh dy ve son beaghey da’n pobble ayns yn aasagh.

Psalmyn 77:19

Ta dty raad ayns yn aarkey, as dty chassanyn ayns ny ushtaghyn mooarey: as kesmadyn dty choshey, cha vel ad er nyn gronnaghey.

Psalmyn 78:13

Reddyn mirrilagh ren eshyn ayns shilley ny shenn-ayraghyn ainyn, ayns thalloo Egypt: dy jarroo ayns magher Zoan.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 14:22

As hie cloan Israel trooid yn aarkey er thalloo chirrym: as va ny ushtaghyn son voalley daue er nyn laue yesh, as er nyn laue hoshtal.

Exodus 14:29

Agh hie cloan Israel er nyn doshiaght er thalloo chirrym, ayns mean yn aarkey: as va ny ushtaghyn son voalley daue, er nyn laue yesh, as er nyn laue hoshtal.

Exodus 15:8

As ec sheidey dty yymmoose va ny ushtaghyn er nyn jaglym dy cheilley, hass ny ushtaghyn myr voalley, as va ny diunidyn riojit ayns cree yn aarkey.

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Ezekiel 47:8

Eisht dooyrt eh rhym, Ta ny ushtaghyn shoh roie magh lesh cheer yn niar, as sheese gys yn aasagh, as goll ayns yn aarkey: tra hig ad fud ushtaghyn ny marrey, bee ny ushtaghyn shen er nyn lheihys.

Nahum 1:4

T’eh coyrt oghsan da’n vooir, as jannoo eh chirrym, as chyrmaghey seose ooilley ny awinyn: ta Bashan shymley ersooyl, as Carmel, as ta blaa Lebanon fioghey.

Habakkuk 3:8

Nee rish ny awinyn va’n Chiarn jymmoosagh? nee noi ny ushtaghyn va dty eulys? row dty chorree rish y cheayn, dy ren oo markiagh lesh dty chabbil, ayns dty ainee dy haualtys?

Earrooyn 34:3

Eisht bee’n kierroo jiass eu, veih faasagh Zin, seose rish slyst Edom: as y chagliagh jiass eu vees ec oirr sodjey magh y cheayn-sailley, lesh y niar.

Deuteronomy 1:1

Shoh ny goan, loayr Moses rish ooilley Israel, er y cheu shoh dy Yordan, ayns yn aasagh, ayns y thalloo-rea er-gerrey da’n Aarkey Jiarg, eddyr Paran, as Tophel, as Laban, as Hazeroth, as Dizahab.

Deuteronomy 3:17

Yn thalloo-rea myrgeddin, as Jordan, as ny ardjyn echey, eer veih Chinnereth choud’s faarkey’n strah, eer yn Faarkey Sailley, fo Ashdoth-pisgah, my-hiar.

Joshua 12:3

As veih’n strah gys faarkey Cinneroth, cheu-har, as gys faarkey’n strah, shen y Faarkey Sailjey cheu-har, raad Veth-jeshimoth; as veih’n jiass, fo Ashdoth-pisgah

Joshua 15:2

As va’n chagliagh shiar-ass oc veih oirr yn Aarkey Sailjey, veih’n baïe ta lhie lesh y jiass:

Joshua 16:7

As hie eh sheese veih Janohah gys Ataroth, as gys Naarath, as haink eh gys Jericho, as magh ec Jordan.

Joshua 3:13

As hig eh gy-kione, cha leah’s nee boyn-coshey ny saggyrtyn ta gymmyrkey arg y Chiarn, Chiarn ooilley’n seihll, shassoo ayns ushtaghyn Yordan, dy bee ushtaghyn Yordan er ny scarrey veih ny ushtaghyn t’er cheu heose; as nee ad shassoo myr voalley.

Joshua 4:22

Eisht ver shiu toiggal da nyn gloan, gra, Haink Israel trooid Jordan er thalloo chirrym.

Joshua 5:1

As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.

Briwnyn 7:22

As heid ny three cheead ny trumpetyn, as hyndaa yn Chiarn cliwe dy chooilley ghooinney noi e heshey, trooid ooilley yn sheshaght-caggee: as roie ad er-chea gys Beth-shittah ayns Zererath, as gys ardjyn Abel-meholah, gys Tabbath.