Joshua 3:11 - Yn Vible Casherick 1775 1819

¹¹ Jeeagh-jee, ta arg conaant Chiarn ooilley yn ooir goll rhymbiu gys Jordan.

Joshua 3:11 ပူးပေါင်းရင်းမြစ်များ

1 Recortyssyn 29:11

Lhiat’s, O Hiarn, ta’n vooadys, as y phooar, as y ghloyr, as y varriaght, as yn ooashley: son lhiat’s ta dy chooilley nhee ayns niau as er y thalloo: lhiat’s y reeriaght, O Hiarn, as uss ta erskyn-earroo ard harrish ooilley.

Lioar Yob 41:11

Quoi t’er ve ro-laue rhym ayns kenjallys, dooys dy lhiasaghey da? cre-erbee ta fo yn slane niau, she lhiam’s eh.

Psalmyn 24:1

Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

Psalmyn 97:5

Ren ny croink lheïe goll-rish kere ec fenish y Chiarn: ec fenish Chiarn y slane seihll.

Isaiah 3:12

Agh son my phobble, ta paitchyn nyn dranlaasee, as ta mraane reill harrystoo. O my phobble, ta dty leeideilee cur oo er-shaghryn, as t’ad stroie raad dty chesmadyn.

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Jeremiah 10:7

Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Micah 4:13

Irree as jean tasteraght, O inneen Zion: son nee’m yn eairk ayd y yannoo dy yiarn, as neem’s ny yngnyn ayd jeh prash, as bwoaillee oo ymmodee pobble ayns peeshyn mynney: as nee’m yn cosney oc y chasherickey gys y Chiarn, as yn chooid oc gys Chiarn y slane seihll.

Zephaniah 2:11

Bee yn Chiarn atchimagh daue: son ver eh naardey ooilley jeeghyn y thallooin; as nee deiney eshyn y ooashlaghey, dy chooilley unnane ’syn ynnyd hene, dy jarroo ooilley ellanyn ny ashoonee.

Zechariah 14:9

As bee’n Chiarn ny ree harrish y slane seihll: ’sy laa shen vees un Chiarn, as yn ennym echey unnane.

Zechariah 4:14

Eisht dooyrt eh, T’ad shoh yn daa fer-ooilit, ta nyn shassoo fenish Chiarn y slane seihll.

Zechariah 6:5

As dreggyr yn ainle, as dooyrt eh rhym, T’ad shoh kiare geayghyn yn aer, ta goll magh veih fenish Chiarn y slane seihll.

Deuteronomy 9:3

Toig er-y-fa shen, yn laa jiu, dy nee yn Chiarn dty Yee eh ta goll royd myr aile ta coyrt mow: nee eh ad y stroie, as nyn lhieggal kiongoyrt rhyt: myr shoh nee oo nyn eebyrt magh, as stroie ad dy bollagh, myr ta’n Chiarn er ghra rhyt.

Joshua 3:13

As hig eh gy-kione, cha leah’s nee boyn-coshey ny saggyrtyn ta gymmyrkey arg y Chiarn, Chiarn ooilley’n seihll, shassoo ayns ushtaghyn Yordan, dy bee ushtaghyn Yordan er ny scarrey veih ny ushtaghyn t’er cheu heose; as nee ad shassoo myr voalley.