Joshua 3:10 - Yn Vible Casherick 1775 1819

¹⁰ As dooyrt Joshua, Liorish shoh bee fys eu dy vel y Jee bio ny-vud eu, as dy jean eh son shickyrys geiyrt magh kiongoyrt riu ny Canaaniteyn, as ny Hittiteyn, as ny Hiviteyn, as ny Perizziteyn, as ny Girgashiteyn, as ny Amoriteyn, as ny Jebusiteyn.

Joshua 3:10 ပူးပေါင်းရင်းမြစ်များ

Genesis 15:21

As ny Amoriteyn, as ny Canaaniteyn, as ny Girgashiteyn, as ny Jebusiteyn.

1 Reeaghyn 22:28

As dooyrt Micaiah, My hig uss dy bragh back ayns shee, cha vel y Chiarn er loayrt liorym’s. As dooyrt eh, Eaisht-jee, O phobble, dy chooilley unnane eu.

2 Reeaghyn 19:4

Foddee eh ve, dy jean y Chiarn dty Yee clashtyn ooilley goan Rab-shakeh, ta ree Assyria e vainshtyr er choyrt dy oltooaney yn Jee bio; as dy der eh oghsan da ny goan ta’n Chiarn yn Jee ayd’s er chlashtyn: Shen-y-fa trog seose dty phadjer son y fooilliaght t’er-mayrn.

1 Recortyssyn 1:14

Yn Jebusite myrgeddin, as yn Amorite, as y Girgashite,

Psalmyn 42:2

Ta m’annym paagh son Jee, eer son y Jee bio: cuin hig-ym dy hassoo kionfenish Yee?

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Exodus 17:7

As denmys eh yn ynnyd, Massah as Meribah, er coontey anvea chloan Israel, as son dy ren ad brasnaghey’n Chiarn, gra, Vel y Chiarn ny mast’ ain, mannagh vel?

Exodus 3:8

As ta mee er jeet neose, dy livrey ad ass laue ny Egyptianee, as dy chur lhiam ad seose veih’n cheer shen, gys cheer mie, as mooar, gys cheer ayn ta palchey bainney as mill: gys ynnyd ny Canaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn.

Exodus 33:2

As ver-ym ainle royd; as eiyr-ym magh yn Canaanite, yn Amorite, as yn Hittite, as y Perizzite, yn Hivite, as y Jebusite;

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Hosea 1:10

Ny-yeih bee earroo cloan Israel myr genniagh ny marrey, nagh vod ve er ny howse, ny er ny choontey; as hig eh gy-kione, ’syn ynnyd ayn ve er ny ghra roo, Cha nee shiuish yn pobble aym’s, dy nee ayns shen bee eh graït roo, Shiuish mec y Jee bio.

Earrooyn 13:29

Ta ny Amalekiteyn cummal ayns y cheer, my-yiass: as ta ny Hittiteyn, as ny Jebusiteyn, as ny Amoriteyn cummal ayns ny sleityn: as ta ny Canaaniteyn cummal er oirr ny marrey, as liorish slyst Yordan.

Noo Mian 16:16

Dreggyr Simon Peddyr, as dooyrt eh, Uss yn Creest, Mac y Jee bio.

Noo Ean 6:69

As ta shin credjal, as shickyr jeh dy nee uss yn Creest, Mac y Jee bio.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?

Deuteronomy 5:26

Son quoi’n dooinney ’sy theihll t’er chlashtyn coraa’n Jee bio, loayrt ass mean yn aile, (myr ta shinyn) as eh ve bio?

Deuteronomy 7:1

Erreish da’n Chiarn dty Yee v’er choyrt lesh oo stiagh gys y cheer shen ta kiarit dhyt son eiraght, as erreish dhyt v’er n’eiyrt magh royd ymmodee ashoonyn, ny Hittiteyn, as ny Girgashiteyn, as ny Amoriteyn, as ny Canaaniteyn, as ny Perizziteyn as ny Hiviteyn, as ny Jebusiteyn, shiaght ashoonyn ny smoo as ny s’pooaral na oo hene;

Deuteronomy 7:21

Cha bee aggle ort roue: son ta’n Chiarn dty Yee ny mast’ eu, ny Yee pooaral, as atchimagh.

1 Thessalonianee 1:9

Son t’ad-hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh,

Hebrewnee 10:31

Te red agglagh dy huittym ayns laueyn y Jee bio.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 12:8

Ayns ny sleityn, as ny coanyn, as ny strahghyn, as ny farraneyn, as ’syn aasagh, as ayns y cheer-jiass; ny Hittiteyn, ny Amoriteyn, as ny Canaaniteyn, ny Perizziteyn, ny Hiviteyn, as ny Jebusiteyn.

Joshua 21:45

Cha ren nhee erbee failleil jeh ooilley ny reddyn mie shen va’n Chiarn er yialdyn da thie Israel; ve dy slane cooilleenit.

Joshua 22:31

As dooyrt Phinehas, mac Eleazar y saggyrt, rish cloan Reuben, as cloan Ghad, as rish cloan Vanasseh, Ta shin toiggal y laa jiu dy vel y Chiarn ny mast’ ain, son nagh vel shiu er n’yannoo’n peccah shoh noi’n Chiarn: nish ta shiu er livrey cloan Israel veih jymmoose y Chiarn.

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Joshua 3:9

As dooyrt Joshua rish cloan Israel, Tar-jee gys shoh, as eaisht-jee rish goan y Chiarn y Jee eu.

Joshua 9:1

As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 26:6

Eisht dreggyr David as dooyrt eh rish Ahimelech yn Hittite, as Abishai mac Zeruiah braar Yoab, gra, Quoi hed sheese mârym’s gys camp Saul? As dooyrt Abishai, Hem’s sheese mayrt.