Joshua 3:1 - Yn Vible Casherick 1775 1819

¹ As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

Joshua 3:1 ပူးပေါင်းရင်းမြစ်များ

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

Genesis 22:3

As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Jeremiah 25:3

Veih’n trass vleïn jeig dy Yosiah mac Amon ree Yudah, eer gys y laa jiu, (ta shen y trass vleïn as feed,) ta goo yn Chiarn er ny ve cheet hym, as ta mee er ve loayrt riu, girree dy moghey as loayrt; agh cha vel shiu er n’eaishtagh.

Jeremiah 26:5

Dy eaishtagh rish goan my harvaantyn ny phadeyryn, ta mee er choyrt er chaghteraght hiu, girree dy moghey, as cur magh ad; (agh cha vel shiuish er n’eaishtagh;)

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Earrooyn 25:1

As ren Israel campal ayns Shittim, as ren y pobble toshiaght dy yannoo maarderys rish inneenyn Voab.

Noo Mark 1:35

As moghrey laa-ny-vairagh dirree eh foddey roish y laa, as hie eh magh, as jimmee eh gys boayl faasagh, as ayns shen ghow eh padjer.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 6:12

As dirree Joshua dy leah ’sy voghrey, as hrog ny saggyrtyn arg y Chiarn.

Joshua 6:15

As haink eh gy-kione, er y chiaghtoo laa, dy dirree ad mysh soilshey’n laa, as ren ad yn ard-valley y chombaasal er yn aght cheddin shiaght keayrtyn: er y laa shen ny-lomarcan hie ad mygeayrt yn ard-valley shiaght keayrtyn.

Joshua 7:16

Myr shen dirree Joshua dy moghey, as hug eh lesh Israel magh lurg nyn tribeyn; as va tribe Yudah er ny ghoaill:

Joshua 8:10

As dirree Joshua dy moghey ’sy vadran, as ghow eh musteral y pobble, as hie eshyn as leeideilee Israel seose, roish y pobble gys Ai.

Briwnyn 20:19

As hrog cloan Israel orroo ’sy voghrey, as champ ad noi Gibeah.

1 Samuel 17:20

As dirree David dy moghey, as daag eh ny kirree marish bochilley, as ghow eh, as hie eh, myr va Jesse er choyrt currym er; as haink eh gys jeeig y champ, myr va’n armee goll magh dy ghoaill magher, as troggal yn yllagh-caggee.