Joshua 24:8 - Yn Vible Casherick 1775 1819

⁸ As hug mee lhiam shiu gys cheer ny Amoriteyn, va cummal er y cheu elley dy Yordan; as ren ad caggey riu; as livrey mee ad gys nyn laue, dy voddagh shiuish yn cheer oc y ghoaill; as stroie mee ad reue.

Joshua 24:8 ပူးပေါင်းရင်းမြစ်များ

Nehemiah 9:22

Marish shoh, hug oo daue reeriaghtyn as ashoonyn, as ren oo rheynn ad orroo ayns ayrnyn: myr shen hooar ad eiraght ayns cheer Sidon, as cheer ree Heshbon, as cheer Og ree Vashan.

Exodus 23:23

Son hed m’ainle’s royd, as ver eh lesh oo stiagh gys cheer ny Amoriteyn, as ny Hittiteyn, as ny Perizziteyn, as ny Chanaaniteyn, as ny Hiviteyn, as ny Jebusiteyn; as nee’m ad y yiarey jeh.

Amos 2:10

Myrgeddin hug mee lhiam shiu seose veih thalloo Egypt, as leeid mee shiu da-eed bleïn trooid yn aasagh, dy ghoaill diu hene thalloo yn Amorite.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Deuteronomy 2:32

Er shoh haink Sihon magh nyn ’oï, lesh ooilley e gheiney, dy chaggey ec Jahaz.

Joshua 13:10

As ooilley ard-valjyn Sihon ree ny Amoriteyn, va reill ayns Heshbon, gys cagliagh cloan Ammon;