Joshua 24:7 - Yn Vible Casherick 1775 1819

⁷ As tra deïe ad gys y Chiarn, hug eh dorraghys eddyr shiuish as ny Egyptianee, as hug eh lesh yn aarkey orroo, as choodee eh ad; as ta ny sooillyn eu er vakin ny ren mee ayns Egypt: as ren shiu cummal ayns yn aasagh ry-foddey dy hraa.

Joshua 24:7 ပူးပေါင်းရင်းမြစ်များ

Exodus 14:10

As hayrn Pharaoh er-gerrey, as tra hrog cloan Israel seose nyn sooillyn, cur-my-ner, va ny Egyptianee marchal er nyn eiyrt’s; as v’ad ayns aggle mooar: as deïe pobble Israel dy ard gys y Chiarn.

Exodus 14:20

As haink eh eddyr camp ny Egyptianee as camp Israel: agh ve ny vodjal as dorraghys da ny Egyptianee, agh hug eh soilshey ’syn oie da ny Israeliteyn: myr shen nagh daink ad coair y cheilley er y slane oie.

Exodus 14:31

As honnick Israel yn obbyr vooar shen ren y Chiarn er ny Egyptianee: as ghow’n pobble aggle roish y Chiarn, as chred ad y Chiarn, as e harvaant Moses.

Deuteronomy 1:46

Er shoh, chum shiu ayns Kadesh ymmodee laghyn, cordail rish y traa va shiu ayn roïe.

Deuteronomy 2:14

As va’n traa neayr’s daag shin Kadesh-barnea, derrey va shin er roshtyn harrish yn awin Zered, hoght bleeaney jeig as feed: derrey va slane sheeloghe ny deiney-caggee er lheïe ersooyl veih mastey’n cheshaght, myr va’n Chiarn er vreearrey daue.

Deuteronomy 29:2

As hug Moses eam da ooilley Israel, as dooyrt eh roo, Ta shiu er vakin ooilley ny ren y Chiarn kiongoyrt rish nyn sooillyn, ayns cheer Egypt, rish Pharaoh, as rish ooilley e harvaantyn, as rish ooilley e heer:

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

Hebrewnee 3:17

Agh quoi liorish v’eh er ny vrasnaghey da-eed bleïn? nagh nee lioroosyn v’er n’yannoo peccah, ny callinyn oc huitt ’syn aasagh?

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.