Joshua 24:6 - Yn Vible Casherick 1775 1819

⁶ As hug mee lhiam ny ayraghyn euish ass Egypt: as haink shiu gys yn aarkey; as hie ny Egyptianee er-eiyrt’s nyn ayraghyn lesh fainee as markee gys yn Aarkey jiarg.

Joshua 24:6 ပူးပေါင်းရင်းမြစ်များ

Nehemiah 9:11

As doshil oo raad ’syn aarkey rhymboo, myr shen dy jagh ad trooid mean yn aarkey er thalloo chirrym, as nyn dranlaasee hilg oo ’sy diunid, myr clagh ayns ushtaghyn dowiney.

Psalmyn 78:13

Reddyn mirrilagh ren eshyn ayns shilley ny shenn-ayraghyn ainyn, ayns thalloo Egypt: dy jarroo ayns magher Zoan.

Exodus 12:37

As ghow cloan Israel nyn yurnah veih Rameses gys Succoth, mysh shey cheead thousane coshee va deiney abyl, cheu-mooie jeh cloan.

Exodus 12:51

As haink eh gy-kione er yn eer laa cheddin, dy dug y Chiarn lesh cloan Israel magh ass cheer Egypt, liorish nyn sheshaghtyn-caggee.

Micah 6:4

Son hug mee lhiam oo seose ass cheer Egypt, as ren mee oo y livrey ass thie ny bondiaght, as hug mee oo fo laue Voses, Aaron, as Miriam.

Jannoo 7:36

Hug eh lesh ad magh erreish da v’er hoilshaghey yindyssyn as cowraghyn ayns thalloo Egypt as ayns y Faarkey Jiarg, as ayns yn aasagh rish da-eed bleïn.

Hebrewnee 11:29

Liorish credjue hie ad trooid y Faarkey Jiarg, myr er thalloo chirrym: y lheid cheddin tra ghow ny Egyptianee orroo dy yannoo, v’ad baiht.