Joshua 24:33 - Yn Vible Casherick 1775 1819

³³ As hooar Eleazar mac Aaron baase; as doanluck ad eh ayns cronk va lesh Phinehas e vac, v’er ny choyrt da ayns cronk Ephraim.

Joshua 24:33 ပူးပေါင်းရင်းမြစ်များ

2 Samuel 20:21

Cha nee shen myr ta’n chooish: agh ta dooinney jeh slieau Ephraim (Sheba mac Bichri e ennym,) er hroggal seose e laue noi’n ree, eer noi David: jean-jee eshyn ynrycan y livrey hym, as faag-yms yn ard-valley. As dooyrt y ven rish Joab, Cur-my-ner, bee e chione tilgit magh hood’s harrish y voalley.

1 Reeaghyn 4:8

As shoh va ny enmyn oc: Mac Hur, ayns cronk Ephraim.

2 Reeaghyn 5:22

As dooyrt eh, Ta ooilley dy mie. Ta my vainshtyr er m’y choyrt, gra, Cur-my-ner, eer ec y traa shoh t’er jeet hym’s veih slieau Ephraim daa ghooinney aegey jeh mec ny phadeyryn: cur daue, ta mee guee ort, talent dy argid, as daa chaghlaa coamrey.

Ezra 7:5

Mac Abishua, mac Phinehas, mac Eleazar, mac Aaron yn ard-saggyrt.

Lioar Yob 30:23

Son ta fys aym dy der oo lhiat mee gys stayd ny merriu, gys y thie shen ta kiarit son ooilley ny bioee.

Psalmyn 49:10

Son t’eh fakin dy vel deiney creeney neesht geddyn baase as cherraghtyn cooidjagh: chammah as ta’n sleih neu-chreeney as ommijagh, as faagail nyn merchys da feallagh elley.

Exodus 6:23

As ghow Aaron Elisheba, inneen Amminadab, shuyr Naashon, son ben, as dymmyrk ee da, Nadab as Abihu, Eleazar, as Ithamar.

Exodus 6:25

As phoose Eleazar mac Aaron unnane jeh inneenyn Putiel; as va Phinehas eck rish; ad shoh king ayraghyn ny Leviteyn, cordail rish nyn lught-thie.

Zechariah 1:5

Ny ayraghyn euish, cre’n erree t’orroo? as ny phadeyryn, vel ad bio son dy bragh?

Earrooyn 3:32

As bee Eleazar mac Aaron y saggyrt yn ard-er harrish leeideilee ny Leviteyn, as bee eh ny oaseir orroosyn ta goaill currym yn ynnyd casherick.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Hebrewnee 7:24

Agh ta ec y dooinney shoh, er-yn-oyr dy vel eh tannaghtyn dy bragh, saggyrtys gyn caghlaa.

Joshua 14:1

As shoh ny cheeraghyn va son eiraght da cloan Israel ayns cheer Chanaan, ren Eleazar y saggyrt, as Joshua mac Nun, as ard-gheiney tribeyn cloan Israel, rheynn orroo son eiraght.

Joshua 22:13

As hug cloan Israel Phinehas mac Eleazar y saggyrt gys cloan Reuben, as gys cloan Ghad, as gys lieh-tribe Vanasseh, gys cheer Ghilead;

Briwnyn 17:8

As hie yn dooinney magh veih ard-valley Beth-lehem-judah dy chummal raad share oddagh eh: as haink eh gys cronk Ephraim, gys thie Micah, myr v’eh er e yurnah.

Briwnyn 18:13

As hie ad er nyn doshiaght veih shen gys cronk Ephraim, as haink ad gys thie Vicah.

Briwnyn 20:28

As she Phinehas, mac Eleazar, mac Aaron, va shirveish kiongoyrt rish ec y traa cheddin,) as dooyrt ad, Jig eh lhiam dy chaggey reesht noi cloan Venjamin my vraar, ny jean-ym goaill fea? As dooyrt y Chiarn, Gow seose; son mairagh livrey-ym ad gys dty laue.

1 Samuel 1:1

Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite:

1 Samuel 9:4

As hie eh trooid slieau Ephraim, as er e hoshiaght trooid cheer Shalisha, agh cha row ad ry-gheddyn: eisht hie ad trooid cheer Shalim, as ayns shen cha row ad; as hie eh trooid cheer ny Benjamiteyn, agh cha row ad ayns shen.