Joshua 24:31 - Yn Vible Casherick 1775 1819

³¹ As ren Israel shirveish y Chiarn rish slane lhing Yoshua, as lhing y chanstyr va bio lurg Joshua, as v’er vakin ooilley ny obbraghyn va’n Chiarn er n’yannoo son Israel.

Joshua 24:31 ပူးပေါင်းရင်းမြစ်များ

Genesis 14:10

As va coan Siddim lane sloghyn laaghey; as reeaghyn Sodom as Gomorrah hug ad cooyl, as huitt ad ayndoo: as adsyn ren scapail chossyn ad roue gys ny sleityn.

2 Recortyssyn 24:2

As ren Joash shen ny va cairagh ayns shilley’n Chiarn, ooilley laghyn Jehoiada yn saggyrt.

2 Recortyssyn 34:33

As ghow Josiah ersooyl ooilley ny jallooyn ass ooilley ny cheeraghyn va lesh cloan Israel, as hug eh er ooilley ny va kionfenish ayns Israel dy hirveish, eer dy hirveish yn Chiarn nyn Yee. As rish y slane lhing echeysyn, cha hreig ad y Chiarn, Jee nyn ayraghyn.

Jannoo 20:29

Son ta fys aym, erreish dooys v’er n’immeeaght, dy jig moddee-oaldey jollyssagh stiagh nyn mast’ eu, gyn chymmey er y chioltane.

Deuteronomy 11:2

As toig-jee yn laa jiu: son cha vel mee loayrt rish y chloan eu nagh vel er hoiggal, as nagh vel er vakin smaght y Chiarn nyn Yee, e phooar, e laue niartal, as e roih sheeynt magh,

Deuteronomy 11:7

Agh ta ny sooillyn eu er vakin ooilley ny obbraghyn mooarey, ta’n Chiarn er n’yannoo.

Deuteronomy 31:13

As dy vod nyn gloan, ta foast mee-hushtagh, clashtyn, as gynsaghey dy ghoaill aggle roish y Chiarn nyn Yee, choud as s’bio shiu ’sy cheer, ta shiu goll harrish Jordan, dy gheddyn cummal ayn.

Deuteronomy 31:29

Son ta fys aym, lurg my vaase, dy der shiu seose shiu hene dy slane dy chur rish olk, as dy jyndaa shiu dy lhiattee veih’n raad, ta mish er harey diu: as dy berree treihys erriu ayns ny laghyn jerrinagh, er-yn-oyr dy n’eiyr shiu er olk ayns shilley’n Chiarn, dy vrasnaghey eh gys corree, lesh obbyr nyn laueyn.

Philippianee 2:12

Shen-y-fa, my chaarjyn, myr ta shiu dy kinjagh er ve biallagh, cha nee myr ayns my enish ny-lomarcan, agh nish foddey smoo myr ta mee veue; obbyr-jee magh nyn saualtys hene lesh aggle as atchim.

Briwnyn 2:10

As va ooilley’n sheeloghe shen myrgeddin er nyn jaglym gys nyn ayraghyn: as hrog seose sheeloghe elley nyn yeï, nagh dug geill da’n Chiarn, ny foast da ny obbraghyn v’eh er n’yannoo son Israel.

Briwnyn 2:6

As tra va Joshua er lhiggey’n raad da’n pobble; hie cloan Israel dy chooilley ghooinney gys e eiraght dy ghoaill possession jeh’n cheer.

Briwnyn 2:7

As ren y pobble shirveish yn Chiarn ooilley laghyn Yoshua, as ooilley laghyn ny shanstyryn va er-mayrn lurg Joshua, va er vakin ooilley obbraghyn yindyssagh y Chiarn, v’eh er n’yannoo son Israel.