Joshua 24:26 - Yn Vible Casherick 1775 1819

²⁶ As ren Joshua ny goan shoh y scrieu ayns lioar leigh Yee, va ayns cabbane-agglish y Chiarn, as ghow eh clagh vooar, as hoie eh seose eh ayns shen fo billey-darragh.

Joshua 24:26 ပူးပေါင်းရင်းမြစ်များ

Genesis 31:45

As ghow Jacob clagh, as hoie eh ee seose son pillar.

Genesis 35:4

As hug ad da Jacob ooilley ny jeeghyn joarree v’ayns nyn laue, as ooilley ny jewellyn v’ayns nyn gleayshyn; as dollee Jacob ad, fo yn billey-darragh va liorish Shechem.

Genesis 35:8

Agh hooar Deborah boandyr Rebekah baase, as v’ee oanluckit liorish Beth-el, fo billey-darragh: as ve enmyssit Allon-bachuth.

Exodus 24:4

As scrieu Moses ooilley goan y Chiarn, as dirree eh leah ’sy voghrey, as hrog eh altar fo’n chronk as daa phillar jeig, cordail rish daa hribe jeig Israel.

Briwnyn 9:6

As ren ooilley deiney Shechem chaglym cooidjagh, as ooilley deiney Millo, as hie ad as ren ad Abimelech nyn ree, liorish billey-darragh y phillar va ayns Shechem.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.