Joshua 24:25 - Yn Vible Casherick 1775 1819

²⁵ Myr shoh ren Joshua conaant rish y pobble yn laa shen, as ren eh fockley magh daue yn slattys as yn oardagh ayns Shiloh, liorish Shechem.

Joshua 24:25 ပူးပေါင်းရင်းမြစ်များ

Genesis 35:4

As hug ad da Jacob ooilley ny jeeghyn joarree v’ayns nyn laue, as ooilley ny jewellyn v’ayns nyn gleayshyn; as dollee Jacob ad, fo yn billey-darragh va liorish Shechem.

2 Reeaghyn 11:17

As ren Jehoiada conaant eddyr y Chiarn, as y ree, as y pobble, dy beagh ad pobble y Chiarn; eddyr y ree myrgeddin as y pobble.

2 Recortyssyn 15:12

As chiangle ad ad-hene ayns conaant dy hirrey eddin y Chiarn Jee nyn ayraghyn, lesh ooilley nyn gree, as lesh ooilley nyn annym:

2 Recortyssyn 15:15

As ghow ooilley Judah boggey jeh’n breearrey: son v’ad er n’yannoo yn breearrey lesh slane cree, as er hirrey eh lesh ooilley nyn yeearree, as v’eh er ny gheddyn lioroo: as hug y Chiarn fea daue ooilley mygeayrt.

2 Recortyssyn 23:16

As ren Jehoiada conaant eddyr eh-hene as ooilley’n pobble, as eddyr y ree, dy beagh ad pobble y Chiarn.

2 Recortyssyn 29:10

Nish te ayns my chree dy yannoo conaant rish y Chiarn, Jee Israel, dy vod eulys e yymmoose v’er ny hyndaa ersooyl voïn.

Nehemiah 9:38

As kyndagh rish ooilley shoh, ta shin jannoo rhyt’s conaant shickyr, as dy scrieu eh: as ta ny princeyn ain, ny Leviteyn, as ny saggyrtyn ain, coyrt nyn seal huggey.

Exodus 15:25

As deïe eh er y Chiarn, as ren y Chiarn billey y yeeaghyn da, yn billey cheddin tra v’eh er cheau ’syn ushtey, haink yn ushtey dy ve millish: shen y raad ren eh daue slattys as oardagh, as ayns shen phrow eh ad.

Exodus 24:3

As haink Moses, as dinsh eh da’n pobble ooilley goan y Chiarn, as ooilley ny briwnyssyn: as dreggyr ooilley’n pobble lesh un choraa, as dooyrt ad, Da ooilley ny goan, ta’n Chiarn er loayrt, ver mayd biallys.

Deuteronomy 29:1

Shoh goan y chonaant, hug y Chiarn currym er Moses dy yannoo rish cloan Israel ayns cheer Voab, cheu-mooie jeh’n chonaant ren eh roo ayns Horeb.

Joshua 24:1

As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Joshua 24:26

As ren Joshua ny goan shoh y scrieu ayns lioar leigh Yee, va ayns cabbane-agglish y Chiarn, as ghow eh clagh vooar, as hoie eh seose eh ayns shen fo billey-darragh.