Joshua 24:24 - Yn Vible Casherick 1775 1819

²⁴ As dooyrt y pobble rish Joshua, Yn Chiarn y Jee ain nee mayd shirveish, as da e choraa ver mayd biallys.

Joshua 24:24 ပူးပေါင်းရင်းမြစ်များ

2 Recortyssyn 15:14

As ren ad breearrey ’yannoo da’n Chiarn lesh ard choraa, as lesh yllagh, as lesh trumpetyn, as lesh cayrnyn.

Exodus 19:8

As dreggyr y pobble ooilley lesh un choraa, as dooyrt ad, Ooilley ny ta’n Chiarn er harey nee mayd. As hug Moses stiagh ansoor y pobble gys y Chiarn.

Exodus 24:3

As haink Moses, as dinsh eh da’n pobble ooilley goan y Chiarn, as ooilley ny briwnyssyn: as dreggyr ooilley’n pobble lesh un choraa, as dooyrt ad, Da ooilley ny goan, ta’n Chiarn er loayrt, ver mayd biallys.

Exodus 24:7

As ghow eh lioar y chonaant, as lhaih eh ayns clashtyn y pobble, as dooyrt ad, Nee mayd ooilley ny ta’n Chiarn er ghra, as bee mayd ammyssagh.

Jeremiah 42:6

Edyr eh ve mie ny sie ver mayd biallys da coraa yn Chiarn nyn Yee, huggey ta shin dy dty choyrt; dy vod eh ve mie mârin, tra ta shin biallagh da coraa yn Chiarn y Jee ain.