Joshua 24:2 - Yn Vible Casherick 1775 1819

² As dooyrt Joshua rish ooilley’n pobble, Shoh myr ta’n Chiarn Jee Israel gra, Ren ny ayraghyn eu ’sy chenn earish cummal er cheu elley jeh’n awin [Euphrates] eer Terah ayr Abraham, as ayr Nachor: as ren ad jeeghyn joarree y hirveish.

Joshua 24:2 ပူးပေါင်းရင်းမြစ်များ

Genesis 11:22

As tra va Serug jeih bleeaney as feed dy eash, hooar eh Nahor.

Genesis 11:24

As tra va Nahor nuy bleeaney as feed dy eash, hooar eh Terah.

Genesis 11:26

As tra va Terah three-feed bleïn as jeih, hooar eh Abram, Nahor, as Haran.

Genesis 11:27

Nish ad shoh sheelogheyn Terah: hooar Terah Abram, Nahor, as Haran: As hooar Haran Lot.

Genesis 31:19

As hie Laban dy lommyrt e chirree: as va Rachel er ghoaill ec e laue hene ny jallooyn va lesh yn ayr eck.

Genesis 31:30

As nish, ga dy r’ou shleeuit er goll royd, er-yn-oyr dy row foddeeaght jeean ort lurg thie dty ayrey, ny-yeih cre’n-fa t’ou er gheid ny jeeghyn aym.

Genesis 31:32

Marish quoi-erbee t’ou feddyn ny jeeghyn ayd, ny lhig da ve bio: ayns fenish nyn mraaraghyn jean briaght ayns shoh, vel veg ny ta lhiat’s mârym’s, as gow eh: son ve gyn-yss da Jacob, dy row Rachel er gheid ad.

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

Genesis 35:4

As hug ad da Jacob ooilley ny jeeghyn joarree v’ayns nyn laue, as ooilley ny jewellyn v’ayns nyn gleayshyn; as dollee Jacob ad, fo yn billey-darragh va liorish Shechem.

1 Recortyssyn 1:27

Abram, ta’n er cheddin Abraham.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Ezekiel 16:3

As abbyr, Myr shoh ta’n Chiarn Jee dy ghra rish Jerusalem, Ta dty ruggey as dty ghooghys jeh thalloo Chanaan, Amorite va dty ayr, as Hittite dty voir.

Noo Luke 3:34

Mac Jacob, mac Isaac, mac Abraham, mac Thara, mac Nachor,

Deuteronomy 26:5

As nee oo loayrt, as gra fenish y Chiarn dty Yee, Syrian, ayns gaue baaish, va m’ ayr, as hie eh sheese gys Egypt, as chum eh er e yoarreeaght ayns shen, lesh beggan ayns earroo, as haink eh dy ve ashoon mooar, niartal, as ymmodee.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.