Joshua 24:1 - Yn Vible Casherick 1775 1819

¹ As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Joshua 24:1 ပူးပေါင်းရင်းမြစ်များ

Genesis 12:6

As ren Abram troailt trooid y cheer gys Sichem, gys cheer rea Moreh. As va’n Canaanite ec y traa shen ayns y cheer.

Genesis 35:4

As hug ad da Jacob ooilley ny jeeghyn joarree v’ayns nyn laue, as ooilley ny jewellyn v’ayns nyn gleayshyn; as dollee Jacob ad, fo yn billey-darragh va liorish Shechem.

1 Reeaghyn 12:1

As hie Rehoboam gys Shechem: son va ooilley Israel er jeet gys Shechem, dy yannoo eh ny ree.

2 Reeaghyn 23:1

As hug y ree sarey dy haglym cooidjagh huggey ooilley shanstyr Yudah as Yerusalem.

Jannoo 10:33

Chelleeragh er-y-fa shen hug mee fys ort: as t’ou er n’yannoo dy mie dy vel oo er jeet. Nish er-y-fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Deuteronomy 29:9

Freill-jee, er-y-fa shen, goan y chonaant shoh, as jean-jee ad, dy vod dy chooilley nhee, ta shiu dy yannoo, cheet lhieu.

Joshua 20:7

As hoie ad er-lheh Kedesh dy Ghalilee ayns cronk Naphtali, as Shechem ayns cronk Ephraim, as Kirjath-arba (ta shen Hebron,) ayns slieau Yudah.

Joshua 23:2

As ren Joshua sumney ooilley Israel, as nyn shanstyr, as ny ard-gheiney, as ny briwnyn, as ny fir-oik, dy heet kionfenish, as dooyrt eh roo, Ta mee shenn as er roie ayns eash:

Briwnyn 20:26

Eisht hie ooilley cloan Israel seose, as haink ad gys thie Yee, as hoie ad ayns shen dobberan kiongoyrt rish y Chiarn, as hrosht ad yn laa shen derrey’n astyr, as heb ad ourallyn-losht as ourallyn-shee kiongoyrt rish y Chiarn.

1 Samuel 10:19

As ta shiuish yn laa jiu er hyndaa cooyl rish yn Jee eu, ren shiu y livrey ass ooilley nyn arkys as seaghyn: as dooyrt shiu rish, Cha nee myr shen; agh cur dooin ree dy reill harrin. Nish er-y-fa shen, shass-jee fenish y Chiarn cordail rish ny tribeyn, as ny thousaneyn eu.