Joshua 23:7 - Yn Vible Casherick 1775 1819

⁷ Nagh jean-jee ainjys rish ny ashoonyn shoh, ta er-mayrn ny mast’ eu; chamoo loayrys shiu dy arrymagh jeh enmyn ny jeeghyn oc, ny loo lioroo, ny shirveish ad, ny croymmey shiu-hene sheese huc:

Joshua 23:7 ပူးပေါင်းရင်းမြစ်များ

2 Reeaghyn 17:12

Son hirveish ad jallooyn, my-nyn-gione va’n Chiarn er ghra, Cha jean shiu shoh y yannoo.

2 Reeaghyn 5:18

Ayns y red shoh dy leih’n Chiarn da dty harvaant, tra hig my vainshtyr gys thie Rimmon, dy choyrt ooashley ayns shen, as my laue’s gymmyrkey lesh, as mee-hene croymmey ayns thie Rimmon; tra chroym mee sheese mee-hene ayns thie Rimmon, dy jean y Chiarn dty harvaant y phardooney ’sy chooish shoh.

2 Recortyssyn 7:19

Agh my hyndaa-ys shiu ersooyl, as my lattyssyn as my annaghyn ta mee er hoiaghey kiongoyrt riu y hreigeil, as my hed shiu dy hirveish jeeghyn elley, as ooashley ’chur daue:

Psalmyn 16:4

Agh adsyn ta geiyrt er Jee elley: yiow seaghyn mooar.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Exodus 23:13

As cur-jee tastey mie da dy chooilley nhee ta mee er ghra riu: as ny jean-jee imraa jeh ennym jeeghyn joarree, chamoo lhig da ve er ny chlashtyn ass dty veeal.

Exodus 23:33

Cha lhig oo daue cummal ayns dty heer, er-aggle dy dayrn ad oo gys peccah m’oï: son my nee oo shirveish ny jeeghyn ocsyn, bee eh, son shickyrys, ribbeh dhyt.

Raaghyn Creeney 4:14

Ny jean gimmeeaght ayns cassan ny mee-chrauee, as ny jean shooyl ayns raad drogh gheiney.

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 5:7

Caïd nee’m shoh y leih dhyt? ta dty chloan er my hreigeil, as er loo lioroosyn nagh nee jeeghyn ad: tra va mee er n’yannoo magh ad gys nyn yeeilley, eisht vrish ad poosey, taaghey ayns troopyn ny thieyn streebee.

Hosea 2:17

Son goym ersooyl enmyn Vaalim ass e beeal, as cha bee imraa sodjey jeu lurg ny enmyn shen.

Zephaniah 1:5

As adsyn ta cur ooashley da sheshaght rollageagh yn aer, er mullagh ny thieyn, as adsyn ta ooashlaghey, as breearrey liorish y Chiarn, as breearrey liorish Malcham;

Earrooyn 32:38

As Nebo, as Baal-meon (ny enmyn oc caghlaït) as Shibmah: as hug ad enmyn elley er ny ard-valjyn ren ad troggal.

Earrooyn 33:55

Agh mannagh n’eiyr shiu magh cummaltee yn cheer veih kiongoyrt riu; eisht hig eh gy-kione, dy bee adsyn aagys shiu er-mayrn, son gah ayns nyn sooillyn, as jilg ayns nyn lhiattee, as ver ad sneih erriu, ’sy cheer raad nee shiu cummal.

1 Corinthianee 15:33

Ny bee-jee mollit; ta drogh heshaght cur mow ellyn mie.

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 6:13

Nee oo aggle y ghoaill roish y Chiarn dty Yee, as shirveish eh, as nee oo loo liorish e ennym.

Deuteronomy 6:14

As cha n’eiyr shiu da jeeghyn joarree, lheid as jeeghyn y pobble ta mygeayrt-y-miu:

Joshua 23:12

Agh my nee shiu er aght erbee coyrt cooyl, as lhiantyn rish fooilliagh ny ashoonyn shoh, ta foast ny mast’ eu, as my nee shiu poosaghyn roo, as jannoo cleunys roosyn, ny adsyn riuish;

Joshua 23:8

Agh freill-jee firrinagh gys y Chiarn y Jee eu myr ta shiu er n’yannoo gys y laa t’ayn jiu.