Joshua 23:6 - Yn Vible Casherick 1775 1819

⁶ Bee-jee shiuish er-y-fa shen feer dunnal, dy reayll as dy chooilleeney ooilley ny ta scruit ayns lioar leigh Voses, nagh jyndaa shiu dy lhiattee veih gys y laue yesh ny gys y laue hoshtal;

Joshua 23:6 ပူးပေါင်းရင်းမြစ်များ

1 Reeaghyn 2:3

As freill sarey yn Chiarn dty Yee, dy hooyl ayns e raaidyn, dy reayll e lattyssyn, as e annaghyn, as e vriwnyssyn, as e recortyssyn, myr te scruit ayns leigh Voses, dy vod oo bishaghey ayns ooilley ny t’ou dy yannoo, as cre theihll y raad t’ou chyndaa oo-hene.

Psalmyn 101:3

Tra nee oo my niartaghey: nee’m gimmeeaght ayns my hie lesh cree ynrick.

Psalmyn 119:102

Cha vel mee er skyrraghtyn veih dty vriwnyssyn: son t’ou dy my ynsaghey.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

1 Corinthianee 16:13

Bee-jee er nyn arrey, shass-jee shickyr ’sy chredjue, ymmyrk-jee shiu hene myr deiney, bee-jee dunnal.

Deuteronomy 12:32

Cre-erbee ta mee dy harey diu, gow-jee tastey dy yannoo eh: cha der shiu veg huggey, ny veg y ghoaill veih.

Deuteronomy 17:20

Nagh bee e chree troggit seose erskyn e vraaraghyn, as nagh jean ad lhoobey veih sarey’n Chiarn, gys y laue yesh ny gys y laue hoshtal: dy vod e laghyn ve beayn ayns e reeriaght; eh hene, as e chloan ayns mean Israel.

Deuteronomy 28:14

As cha jyndaa oo dy lhiattee, veih veg jeh ny goan ta mee dy harey dhyt jiu, gys y laue yesh, ny gys y laue chiare, dy gholl geiyrt er jeeghyn elley dy hirveish ad.

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

Hebrewnee 12:4

Cha vel shiu er chummal rish gys deayrtey folley, gleck noi peccah.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.