Joshua 23:3 - Yn Vible Casherick 1775 1819

³ As ta shiu er vakin ooilley ny ta’n Chiarn y Jee eu er n’yannoo rish ooilley ny ashoonyn shoh er y ghraih euish: son she’n Chiarn y Jee eu t’er chaggey er nyn son.

Joshua 23:3 ပူးပေါင်းရင်းမြစ်များ

Exodus 14:14

Nee’n Chiarn caggey er nyn son, as bee-jee shiuish nyn dhost.

Exodus 19:4

Ta shiu er vakin ny ren mee rish ny Egyptianee, as kys dymmyrk mee shiu myr er skianyn urley, as hug mee lhiam shiu er-gerrey dou hene.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Malachi 1:5

As nee ny sooillyn eu fakin, as nee shiu gra, Bee yn Chiarn er ny ghloyraghey veih ardjyn Israel.

Deuteronomy 1:30

Nee’n Chiarn y Jee eu, ta goll reue, caggey er nyn son, cordail rish ooilley ny ren eh ayns nyn lieh, ayns Egypt, kiongoyrt rish ny sooillyn eu:

Deuteronomy 20:4

Son ta’n Chiarn nyn Yee eshyn ta goll mêriu, dy chaggey er nyn son noi nyn noidyn, dy hauail shiu.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 7:17

My jir oo ayns dty chree, Ta ny ashoonyn shoh ny shlee na mish, kys oddym’s ad y eiyrt magh?

Deuteronomy 7:24

As nee eh ny reeaghyn oc y livrey gys dty laue, as nee uss dolley nyn enmyn fo niau: cha jarg dooinney jeu shassoo royd, derrey t’ou er stroie ad.

Joshua 10:14

As cha row lheid y laa as y laa shen. Roish ny ny yeï, dy deaisht y Chiarn rish coraa dooinney: son ren y Chiarn caggey son Israel.

Joshua 10:42

As ooilley ny reeaghyn shoh as nyn gheer ren Joshua ’ghoaill mysh yn un traa; son dy ren y Chiarn Jee Israel caggey ayns lieh Israel.

Joshua 23:10

Nee un dooinney jiuish gimman ersooyl thousane; son she’n Chiarn y Jee eu ta caggey er nyn son, myr yiall eh diu.